ဂျပန်နိုင်ငံအစိုးရမှ ပြည်ထောင်စုသမ္မတ မြန်မာနိုင်ငံတော်အစိုးရသို့ ရန်ကုန်တောင်ပိုင်း ရေပေးဝေရေးစီမံချက် အကောင်အထည်ဖော်ရန်အတွက် ဂျပန်ယန်း ၄.၁၇၆ ဘီလီယံ အကူအညီပေးရေးဆိုင်ရာစာချွန်လွှာ လက်မှတ်ရေးထိုးလဲလှယ်ပွဲကျင်းပ

ဂျပန်နိုင်ငံအစိုးရမှ ပြည်ထောင်စုသမ္မတ မြန်မာနိုင်ငံတော်အစိုးရသို့ ရန်ကုန်တောင်ပိုင်းရေ ပေးဝေရေးစီမံချက် အကောင်အထည်ဖော်ရန်အတွက်  ဂျပန်ယန်း ၄.၁၇၆ ဘီလီယံ (လေးဒဿမ တစ်ခုနစ်ခြောက်ဘီလီယံ) အကူအညီပေးရေးဆိုင်ရာစာချွန်လွှာ လက်မှတ်ရေးထိုးလဲလှယ်ခြင်း အခမ်း အနားကို ၂၀၁၈ ခုနှစ်၊ အောက်တိုဘာလ ၃ ရက်နေ့ မွန်းလွဲ ၁၅: ၀၀ နာရီတွင် စီမံကိန်းနှင့်ဘဏ္ဍာရေး ဝန်ကြီးဌာန၊ ရုံးအမှတ်(၁) အစည်းအဝေးခန်းမ၌ ကျင်းပခဲ့ပါသည်။

 အခမ်းအနားသို့ စီမံကိန်းနှင့်ဘဏ္ဍာရေးဝန်ကြီးဌာန ဒုတိယဝန်ကြီး ဦးဆက်အောင်၊ မြန်မာနိုင်ငံဆိုင်ရာ ဂျပန်သံအမတ်ကြီး Mr. Ichiro Maruyama နှင့် ဂျပန်သံရုံးမှ တာဝန်ရှိသူများ၊ ညွှန်ကြား ရေးမှူးချုပ်များ၊ ဒုတိယညွှန်ကြားရေးမှူးချုပ်များနှင့် တာဝန်ရှိသူများ တက်ရောက်ခဲ့ကြပါသည်။

အဆိုပါ စာချွန်လွှာကို ပြည်ထောင်စုသမ္မတ မြန်မာနိုင်ငံတော်အစိုးရကိုယ်စား စီမံကိန်းနှင့် ဘဏ္ဍာရေး၀န်ကြီးဌာန၊ ဒုတိယဝန်ကြီး ဦးဆက်အောင်နှင့် ဂျပန်နိုင်ငံအစိုးရကိုယ်စား မြန်မာနိုင်ငံ ဆိုင်ရာ ဂျပန်သံအမတ်ကြီး Mr. Ichiro Maruyama တို့က လက်မှတ်ရေးထိုးလဲလှယ်ခဲ့ကြပြီး ရန်ကုန် တောင်ပိုင်းခရိုင်ရှိ ဒလ၊ ဆိပ်ကြီးခနောင်တို၊ တွံတေး၊ ကော့မှူးနှင့် ကွမ်းခြံကုန်းမြို့နယ်များတွင် အများသုံးရေနှင့် သောက်သုံးရေသန့် ထုတ်လုပ်နိုင်ရေးနှင့် မြန်မာနိုင်ငံ၏ ရေပေးဝေရေးကဏ္ဍ အဆင့် မြှင့်တင်နိုင်ရေးတို့အတွက် ဆောင်ရွက်သွားနိုင်မည်ဖြစ်ပါသည်။