စီမံကိန်းနှင့် ဘဏ္ဍာရေးဝန်ကြီးဌာန၊   နိုင်ငံခြားစီးပွားဆက်သွယ်ရေးဦးစီးဌာနနှင့် ပြင်သစ်နိုင်ငံဖွံ့ဖြိုးတိုးတက်ရေးအဖွဲ့ (French Development Agency- AFD)တို့အကြား First Annual Consultation Meeting ကို    ၁၆-၁၁-၂၀၁၇ ရက်နေ့၊   နံနက်၉:၄၅နာရီတွင်  စီမံကိန်းနှင့်  ဘဏ္ဍာရေး  ဝန်ကြီးဌာန၊ ရုံးအမှတ်(၁)   အစည်းအဝေးခန်းမ၌ ကျင်းပခဲ့ပါသည်။

အဆိုပါ ဆွေးနွေးပွဲသို့ စီမံကိန်းနှင့် ဘဏ္ဍာရေးဝန်ကြီးဌာန အမြဲတမ်းအတွင်းဝန် ဦးထွန်းထွန်းနိုင်၊ နိုင်ငံခြားစီးပွားဆက်သွယ်ရေး ဦးစီးဌာနမှ ဒုတိယညွှန်ကြားရေးမှူးချုပ် ဦးထွန်းဇော်၊ သက်ဆိုင်ရာဌာနများမှ တာဝန်ရှိ ပုဂ္ဂိုလ်များ၊ ပြင်သစ်နိုင်ငံဘက်မှ မြန်မာနိုင်ငံဆိုင်ရာ ပြင်သစ်နိုင်ငံ သံအမတ်ကြီး H.E. Mr. Olivier Richard ၊ AFD ရုံးချုပ်မှ အာရှဌာန ညွှန်ကြားရေးမှူး  Mr. Remi Genevey၊ ဒေသဆိုင်ရာ ညွှန်ကြားရေးမှူး    Mrs. Ariane Ducreux ၊ ရန်ကုန်မြို့ရှိ  AFD  ရုံးမှ အကြီးအကဲ Mr. Ghislain Rieb နှင့် တာဝန်ရှိပုဂ္ဂိုလ်များ၊ စုစုပေါင်း ကိုယ်စား လှယ် (၅၀) ဦးခန့် တက်ရောက်ခဲ့ပါသည်။

အဆိုပါဆွေးနွေးပွဲတွင် စီမံကိန်းနှင့် ဘဏ္ဍာရေးဝန်ကြီးဌာန အမြဲတမ်းအတွင်းဝန်နှင့်  မြန်မာနိုင်ငံ ဆိုင်ရာ ပြင်သစ်နိုင်ငံ သံအမတ်ကြီး H.E. Mr. Olivier Richard တို့မှ အဖွင့် အမှာစကားပြောကြား ခဲ့ပြီး မြန်မာနိုင်ငံ၏ ဖွံ့ဖြိုးမှုအကူအညီ ဦးစားပေးနှင့် ညှိနှိုင်းဆောင်ရွက်မှုများ၊ချေးငွေဆိုင်ရာ မူဝါဒ နှင့် စီမံခန့်ခွဲမှုဆိုင်ရာကိစ္စ ရပ်များ၊ AFD၏ အာရှဒေသဆိုင်ရာ မဟာဗျူဟာ၊ စီမံချက်အကဲဖြတ် ရေးလုပ်ငန်းစဉ်များနှင့် လိုအပ်ချက်များ၊ အတိုးနှုန်းနှင့် ပြန်လည်ပေးဆပ်မှုအစီအစဉ် များ၊ AFD မှ မြန်မာနိုင်ငံတွင် အကောင်အထည်ဖော် ဆောင်ရွက်လျက် ရှိသော စီမံချက်များ၊ ရှေ့ဆက်လက်ဆောင်ရွက်မည့် စီမံချက်များနှင့် စပ်လျဉ်း၍ သက်ဆိုင်ရာ ဌာနများနှင့် AFD တို့အကြား ရင်းနှီး ပွင့်လင်းစွာဆွေးနွေးခဲ့ကြပါသည်။