Regional Infrastructure Improvement Project in Myanmar (Phase III) နှင့်စပ်လျဉ်းသည့် Wrap-up Meeting ကျင်းပခြင်း

ဂျပန်နိုင်ငံ၏ ချေးငွေဖြင့် သက်ဆိုင်ရာ တိုင်းဒေသကြီး/ပြည်နယ်များတွင် အကောင်အထည် ဖော်ဆောင်ရွက်မည့် Regional Infrastructure Improvement Project in Myanmar (Phase III) ကို သက်ဆိုင်ရာဝန်ကြီးဌာနများမှ အကောင်အထည်ဖော် ဆောင်ရွက်နိုင်ရေးအတွက် JICA ၏ Appraisal Mission နှင့် Fact Finding Mission တို့၏ တွေ့ရှိချက်များအရ Wrap-up Meeting ကို စီမံကိန်းနှင့် ဘဏ္ဍာရေးဝန်ကြီးဌာန၊ နိုင်ငံခြားစီးပွားဆက်သွယ်ရေးဦးစီးဌာန၊ ဒုတိယညွှန်ကြားရေးမှူးချုပ်မှ ဦးဆောင်၍ ၁၃-၉-၂၀၁၈ ရက်၊ နံနက် (၁၀း၀၀) နာရီတွင် နေပြည်တော်ရှိ စီမံကိန်းနှင့် ဘဏ္ဍာရေးဝန်ကြီးဌာန၊ ရုံးအမှတ် (၁) ၌ ကျင်းပပြုလုပ်ခဲ့ပါသည်။  

အစည်းအဝေးတွင် စီမံကိန်း အကောင်အထည်ဖော် ဆောင်ရွက်မည့် ကရင်ပြည်နယ်၊ မွန်ပြည်နယ်၊ ချင်းပြည်နယ်၊ ရခိုင်ပြည်နယ်နှင့် တနင်္သာရီတိုင်းဒေသကြီးတို့တွင်   လမ်း၊   တံတား၊   လျှပ်စစ်နှင့် ရေရရှိရေးစသည့်   အခြေခံအဆောက်အအုံဖွံ့ဖြိုးတိုးတက်ရေးအတွက် ဆောင်ရွက်မည့် စီမံ ကိန်း ၏ ရည်ရွယ်ချက်၊ စီမံကိန်းဆောင်ရွက်ခြင်းဖြင့်ရရှိလာမည့်  အကျိုးကျေးဇူးရလဒ်များ၊ စီမံကိန်းနှင့် စပ်လျဉ်း၍   JICA Appraisal Mission က   သက်ဆိုင်ရာဌာနများသို့ သွားရောက် တွေ့ဆုံဆွေးနွေးခဲ့သည့် အချက်အလက်များနှင့် သက်ဆိုင်ရာဌာနများနှင့် JICA တို့အကြား (Minutes of Discussions-MoD) လက်မှတ်ရေးထိုးနိုင်ရေးကိစ္စတို့ကို အပြန်အလှန် ဆွေးနွေး ပြောကြားခဲ့ပါသည်။

အစည်းအဝေးသို့ မြန်မာဘက်မှ နိုင်ငံခြားစီးပွားဆက်သွယ်ရေးဦးစီးဌာန၊   ဒုတိယ ညွှန်ကြားရေးမှူးချုပ်မှ   ဦးဆောင်၍ ရသုံးမှန်းခြေငွေစာရင်းဦးစီးဌာန၊ ငွေတိုက်ဦးစီးဌာန၊ စီမံကိန်းအကောင်အထည်ဖော် ဆောင်ရွက်မည့် ဌာနများဖြစ်သော ကျေးလက်ဒေသဖွံ့ဖြိုးတိုးတက် ရေးဦးစီးဌာန၊   ကျေးလက်လမ်းဖွံ့ဖြိုးရေးဦးစီးဌာန၊ လမ်းဦးစီးဌာန၊ တံတားဦးစီးဌာန၊ လျှပ်စစ် ဓါတ်အားဖြန့်ဖြူးရေးလုပ်ငန်းတို့မှ တာဝန်ရှိပုဂ္ဂိုလ်များနှင့် JICA ရုံးချုပ်မှ Advisor ဖြစ်သူ    Mr. Chiiro FUKUDA ဦးဆောင်သည့် ကိုယ်စားလှယ်အဖွဲ့ စုစုပေါင်း ကိုယ်စားလှယ် (၂၅) ဦး ခန့် တက်ရော က်ခဲ့ပါသည်။