စီမံကိန်းနှင့် ဘဏ္ဍာရေးဝန်ကြီးဌာန၊ နိုင်ငံခြားစီးပွားဆက်သွယ်ရေးဦးစီးဌာနရှိ ဝန်ထမ်း များ စွမ်းဆောင်ရည်မြှင့်တင်ရေးကို ရည်ရွယ်၍ မြန်မာနိုင်ငံတွင် ဖွံ့ဖြိုးမှုလုပ်ငန်း စီမံချက်များ အကောင် အထည်ဖော် ဆောင်ရွက်လျက်ရှိသော ရန်ကုန်မြို့ရှိ German Development Cooperation (GIZ) မှ ကြီးမှူး၍ Job Specific English Language Training ကို ၂၀၁၇ ခုနှစ် ၊ သြဂုတ်လ (၁) ရက်နေ့မှ နိုဝင်ဘာလ (၁) ရက်နေ့အထိ လည်းကောင်း၊ Computer  Training ကို သြဂုတ်လ (၁၂) ရက်နေ့မှ အောက်တိုဘာလ (၂၉) ရက်နေ့အထိလည်းကောင်း ဖွင့်လှစ်ခဲ့ပြီး အင်္ဂလိပ်စာ သင်တန်းသို့ သင်တန်းသား(၅၀)ဦးနှင့် ကွန်ပျူတာသင်တန်းသို့ သင်တန်းသား (၃၁) ဦး တက်ရောက်ခဲ့ပါသည်။

          အဆိုပါသင်တန်းများ၏ သင်တန်းဆင်းလက်မှတ်ပေးအပ်ပွဲ အခမ်းအနားကို ၂၀၁၇ ခုနှစ်၊ နိုဝင် ဘာလ(၈) ရက်နေ့ နံနက် ၉:၀၀ နာရီတွင် စီမံကိန်းနှင့် ဘဏ္ဍာရေးဝန်ကြီးဌာန၊ ရုံးအမှတ် (၁) အစည်းအဝေးခန်းမ၌ ကျင်းပပြုလုပ်ခဲ့ပါသည်။

          အခမ်းအနားသို့ နိုင်ငံခြားစီးပွားဆက်သွယ်ရေးဦးစီးဌာနမှ ဒုတိယညွှန်ကြားရေးမှူးချုပ် ဦးထွန်းဇော်နှင့် တာဝန်ရှိသူများ၊ ရန်ကုန်မြို့ရှိ ဂျာမနီသံရုံးမှ  Head of Development Cooperation ဖြစ်သူ Dr. Kathrina Spiess ၊ ရန်ကုန်မြို့ရှိ GIZ ရုံးမှ Country Dierctor ဖြစ်သူ Dr. Petra Schill ၊ Think in English နှင့် KMD တို့မှ သင်တန်းဆရာများ၊သင်တန်း သား သင်တန်းသူများ စုစုပေါင်း (၉၀)ဦးတက်ရောက်ခဲ့ပါသည်။

          အဆိုပါအခမ်းအနားတွင် နိုင်ငံခြားစီးပွားဆက်သွယ်ရေးဦးစီးဌာနမှ ဒုတိယညွှန်ကြားရေးမှူး ချုပ် ဦးထွန်းဇော် နှင့် ရန်ကုန်မြို့ရှိ GIZ ရုံးမှ Country Dierctor Dr. Petra Schill တို့မှ သင်တန်း ဆင်း အမှာစကား ပြောကြားခဲ့ကြပြီး သင်တန်းသား၊ သင်တန်းသူများအား သင်တန်းဆင်းလက်မှတ် များ အသီးသီးပေးအပ်ခဲ့ပါသည်။