အီးယူ၏အထောက်အပံ့ဖြင့် GOPA Worldwide Consultant အဖွဲ့မှ အကောင်အထည်ဖော် ဆောင်ရွက်လျက်ရှိသော   Institutional Strengthening and Policy Dialogue Support (My Governance) စီမံချက်၏ ဒုတိယအကြိမ် စီမံချက် ဦးဆောင်ကော်မတီ အစည်းအဝေးကို ၂၉-၁၁-၂၀၁၇ ရက်နေ့ နံနက် ၁၀ နာရီမှ နေ့လယ် ၁၂ နာရီအထိ စီမံကိန်းနှင့် ဘဏ္ဍာရေးဝန်ကြီး ဌာန ရုံးအမှတ်(၁)အစည်းအဝေး ခန်းမ၌ ကျင်းပပြုလုပ်ခဲ့ပါသည်။

အစည်းအဝေးကို My Governance စီမံချက် ဦးဆောင်ကော်မတီ၏ ဥက္ကဋ္ဌဖြစ်သူ စီမံကိန်းနှင့် ဘဏ္ဍာရေးဝန်ကြီးဌာန အမြဲတမ်းအတွင်းဝန် ဦးထွန်းထွန်းနိုင်နှင့် မြန်မာနိုင်ငံ ဆိုင်ရာ အီးယူရုံးမှ Deputy Head of Cooperation ဖြစ်သူ Mr. Pedro Campo Llopis တို့မှ ဦးဆောင်ကျင်းပခဲ့ပြီး My Governance စီမံချက်ကို အကောင်အထည်ဖော်ဆောင်ရွက်သည့် မြန်မာ နိုင်ငံဆိုင်ရာ GOPA Worldwide Consultant အဖွဲ့ရုံး၏ Team Leader ဖြစ်သူ Dr. Manzoor Alam နှင့်အဖွဲ့၊ သက်ဆိုင်ရာဌာနများမှ ကိုယ်စားလှယ်များ စုစုပေါင်း ၂၃ ဦး တက် ရောက်ခဲ့ပါသည်။

အစည်းအဝေးတွင် My Governance စီမံချက်နှင့်စပ်လျဉ်းသည့် ဆောင်ရွက်ပြီးလုပ်ငန်းစဉ်များ၊ရှေ့ဆက်လက်ပူးပေါင်းဆောင်ရွက်ရန်ကိစ္စရပ်များ၊ စီမံချက်ဦးဆောင်ကော်မတီဖွဲ့စည်းပုံ  တိုးချဲ့ရေးဆိုင်ရာကိစ္စရပ်များကို အဓိကဆွေးနွေးခဲ့ပြီး စီမံချက်အကောင်အထည်ဖော် ဆောင် ရွက်ရာတွင် ရင်ဆိုင်ကြုံတွေ့ရသည့် အခက်အခဲများနှင့် စိန်ခေါ်မှုများကို ဝိုင်းဝန်းဆွေးနွေး ညှိနှိုင်းခဲ့ကြပါသည်။