ရသုံးမှန်းခြေငွေစာရင်းဦးစီးဌာန

လုပ်ငန်းတာဝန်

ရသုံးမှန်းခြေငွေစာရင်းဦးစီးဌာန၏လုပ်ငန်းတာဝန်များမှာအောက်ပါအတိုင်းဖြစ်ပါသည်-

(က)    ပြည်ထောင်စုစီမံကိန်းနှင့် ဘဏ္ဍာရေးဝန်ကြီးဌာန၏ လမ်းညွှန်ချက်နှင့်အညီ နှစ်လတ် ဘဏ္ဍာရေးမူဘောင်များရေးဆွဲခြင်း၊ ပြည်ထောင်စု၏ အရအသုံးခန့်မှန်းခြေငွေစာရင်းရေးဆွဲခြင်း၊ ပြည်ထောင်စု၏ ဘဏ္ဍာငွေအရအသုံးဆိုင်ရာဉပဒေနှင့် ပြည်ထောင်စု၏ နောက်ထပ်ဘဏ္ဍာငွေခွဲဝေသုံးစွဲရေးဉပဒေတို့ကို ရေးဆွဲခြင်း၊ ဉပဒေပြဋ္ဌာန်းပြီးပါက ဘဏ္ဍာရေးခွင့်ပြုမိန့်များ ထုတ်ပြန်ခြင်း၊

 (ခ)    နိုင်ငံတော်မှတာဝန်ခံထားသည့် ပြည်ပချေးယူရငွေများ၊ ပြည်ပအကူအညီရငွေများ၊ အဆိုပါရငွေများဖြင့် ဆက်နွယ်ဆောင်ရွက်သည့် လုပ်ငန်းအသုံးစရိတ်များအတွက် အရအသုံးခန့်မှန်းခြေငွေစာရင်းတွင်ထည့်သွင်းရေးဆွဲနိုင်ရန်ညွှန်ကြားချက်များထုတ်ပြန်နိုင်ရေးအတွက် ပြည်ထောင်စုစီမံကိန်းနှင့်ဘဏ္ဍာရေးဝန်ကြီးဌာနသို့ တင်ပြခြင်း၊

(ဂ)     နိုင်ငံတော်၏ဘဏ္ဍာရေးမူဝါဒနှင့်အညီ ဆောင်ရွက်နိုင်ရန် ဘဏ္ဍာရေးဆိုင်ရာစည်းမျဉ်း များ၊ ညွှန်ကြားချက်များနှင့် လုပ်ထုံးလုပ်နည်းများ ထုတ်ပြန်နိုင်ရေးအတွက် ပြည်ထောင်စုစီမံကိန်းနှင့်ဘဏ္ဍာရေးဝန်ကြီးဌာနသို့ တင်ပြခြင်း၊

(ဃ)    ဌာန၊ အဖွဲ့အစည်းအသီးသီးသည် ခွဲဝေချထားငွေဖြင့် မလုံလောက်ပါက သက်ဆိုင်ရာ ဘဏ္ဍာငွေအရအသုံးဆိုင်ရာဉပဒေပြဋ္ဌာန်းချက်များ၊ ဘဏ္ဍာရေးစည်းမျဉ်းများ၊ အမိန့် များ၊ ညွှန်ကြားချက်များနှင့်အညီပိုလျှံသော ငွေစာရင်းခေါင်းစဉ်၏ ရန်ပုံငွေမှလွှဲပြောင်း သုံးစွဲရန်ခွင့်ပြုခြင်းနှင့် ပြည်ထောင်စုစီမံကိန်းနှင့်ဘဏ္ဍာရေးဝန်ကြီးဌာန၏ ခွင့်ပြုမိန့် လိုအပ်သောကိစ္စရပ်များအတွက် ခွင့်ပြုမိန့်တောင်းခံခြင်း၊

(င)    ပြည်သူ့ဘဏ္ဍာအရင်းအမြစ်များကို ထိရောက်အကျိုးရှိစွာ ခွဲဝေချထားပေးခြင်း၊ သက်ဆိုင်ရာဌာန၊အဖွဲ့အစည်းများ၏ ရငွေ၊ သုံးငွေဆိုင်ရာ ကိန်းဂဏန်းအချက်အလက်များနှင့် အကောင်အထည်ဖော်မှုအခြေအနေများအပေါ် သုံးသပ်ပြီး ပြည်ထောင်စု စီမံကိန်းနှင့်ဘဏ္ဍာရေးဝန်ကြီးဌာနသို့ တာဝန်ခံတင်ပြခြင်း၊

(စ)     ပြည်ထောင်စု၏ အရအသုံးခန့်မှန်းခြေငွေစာရင်းအပေါ် အကောင်အထည်ဖော်နိုင်မှု အခြေအနေများကိုသုံးသပ်၍ ပြည်ထောင်စုလွှတ်တော်သို့ တင်ပြနိုင်ရန်အတွက် ခြောက်လပတ်နှင့် နှစ်ပတ်လည်အစီရင်ခံစာများကို ပြည်ထောင်စု စီမံကိန်းနှင့်ဘဏ္ဍာရေးဝန်ကြီးဌာနသို့ တင်ပြခြင်း၊

(ဆ)    ပြည်ထောင်စုအစိုးရနှင့် တိုင်းဒေသကြီး၊ ပြည်နယ်အစိုးရများအကြား ဘဏ္ဍာရေးဆိုင်ရာဆောင်ရွက်မှုများကို စီမံကြီးကြပ်နိုင်ရန် အရအသုံးခန့်မှန်းခြေငွေစာရင်းများကို စိစစ်သုံးသပ်၍ ပြည်ထောင်စု စီမံကိန်းနှင့်ဘဏ္ဍာရေးဝန်ကြီးဌာနသို့ တင်ပြခြင်း၊

 (ဇ)    ပြည်ထောင်စု၏ ဘဏ္ဍာရန်ပုံငွေဖြင့် ဆက်စပ်ဆောင်ရွက်သော ကြွေးမြီ၊ အပ်ငွေ၊ ယာယီစာရင်းများ၏ ရငွေနှင့်ထုတ်ပေးငွေများအတွက် နှစ်စဉ်ခန့်မှန်းခြေငွေစာရင်း ရေးဆွဲခြင်း၊

(ဈ)     နိုင်ငံခြားရငွေ၊ နိုင်ငံခြားသုံးငွေရသုံးခန့်မှန်းခြေငွေစာရင်း (FE Budget) ကိုရေးဆွဲပြုစုခြင်း၊ နိုင်ငံခြားငွေသုံးစွဲခွင့်၊ ခွင့်ပြုမိန့်ထုတ်ပေးခြင်း၊

(ည)    ဘဏ္ဍာရေးမူဝါဒ၊ မဟာဗျူဟာနှင့် သဘာဝသယံဇာတအရင်းအမြစ်များထုတ်ယူသုံးစွဲမှု လုပ်ငန်းပွင့်လင်းမြင်သာမှုဖော်ဆောင်ရေးလုပ်ငန်းများဆောင်ရွက်ခြင်း၊

(ဋ)     ပြည်သူ့ဘဏ္ဍာရေးစီမံခန့်ခွဲမှုသင်တန်းကျောင်းတွင် ပြည်သူ့ဘဏ္ဍာရေးစီမံခန့်ခွဲမှု အခြေခံသင်တန်းများ၊ အထူးကာလတိုသင်တန်းများ၊ ပြည်သူ့ဘဏ္ဍာရေးစီမံခန့်ခွဲမှုအထူးမွမ်းမံသင်တန်းများ ဖွင့်လှစ်ခြင်း။