_0.png)
, 
, 
ဗဟိုစာရင်းအင်းအဖွဲ့တွင် အသစ်ခန့်အပ်ထားရှိသည့် ဒုတိယစာရင်းအင်းမှူး (၁၀၀) ဦးအတွက် ရည်ရွယ်ဖွင့်လှစ်သည့် “လုပ်ငန်းခွင် အကြိုသင်တန်း”အား ဗဟိုစာရင်းအင်းအဖွဲ့၊ ရုံးအမှတ် (၃၂)၊ နေပြည်တော်ရှိ ဗဟိုစာရင်းအင်းအဖွဲ့ သင်တန်းခန်းမတွင် ၂၀၁၇ ခုနှစ်၊ သြဂုတ်လ (၇) ရက်မှ စက်တင်ဘာလ (၂၀) ရက်နေ့အထိ (၄၅) ရက်ကြာဖွင့်လှစ်ပို့ချခဲ့ပါသည်။ အဆိုပါသင်တန်းတွင် ဗဟိုစာရင်းအင်းအဖွဲ့၏ လုပ်ငန်းတာဝန်များ၊ ဆောင်ရွက်ရမည့်ကိစ္စရပ်များ၊ ရုံးလုပ်ငန်းဆိုင်ရာ လုပ်ထုံးလုပ်နည်းများ၊ စီမံခန့်ခွဲမှုဆိုင်ရာများနှင့် ကွန်ပျူတာအသုံးချမှု ပညာရပ်များကို သင်ကြားပို့ချခဲ့ပါသည်။ ထို့နောက်၂၀၁၇ ခုနှစ်၊ စက်တင်ဘာလ (၂၅) ရက်၊ နံနက် (၁၀:၀၀) နာရီအချိန်တွင် Presentation ပြိုင်ပွဲအား ကျင်းပပြုလုပ်ခဲ့ပြီး မွန်းလွဲ (၂:၀၀) နာရီအချိန်တွင် သင်တန်းဆင်းပွဲအား ကျင်းပပြုလုပ်ခဲ့ပါသည်။
သင်တန်းဆင်းပွဲတွင် ဗဟိုစာရင်းအင်းအဖွဲ့၊ ညွှန်ကြားရေးမှူးချုပ် ဒေါက်တာဝါဝါမောင်မှ အဖွင့်အမှာစကား ပြောကြားခဲ့ပြီး Presentation ပြိုင်ပွဲတွင် ပထမဆု၊ ဒုတိယဆု၊ တတိယဆု ရရှိသည့် အဖွဲ့များအား ဆုချီးမြှင့်ခြင်းနှင့် သင်တန်းဆင်းလက်မှတ်များ ပေးအပ်ချီးမြှင့်ခဲ့ပါသည်။ သင်တန်းဆင်းပွဲ အခမ်းအနားကို မွန်းလွဲ (၃:၃၀) နာရီ အချိန်တွင် ရုပ်သိမ်းခဲ့ပါသည်။
၂၀၁၇ ခုနှစ်၊ စက်တင်ဘာလ ၂၅ရက်နေ့၊ နေပြည်တော်