ဒုတိယဝန်ကြီးချုပ်နှင့် ပြည်ထောင်စုဝန်ကြီး ဦးဝင်းရှိန် ရခိုင်ပြည်နယ်၊ စစ်တွေ၊ ကျောက်ဖြူနှင့် အမ်းမြို့များရှိ စီမံကိန်းနှင့်ဘဏ္ဍာရေးဝန်ကြီးဌာန ဝန်ထမ်းများနှင့် တွေ့ဆုံ

နေပြည်တော် ၊ မတ် ၁

    ဒုတိယဝန်ကြီးချုပ်နှင့် စီမံကိန်းနှင့်ဘဏ္ဍာရေးဌာန၊ ပြည်ထောင်စုဝန်ကြီး ဦးဝင်းရှိန်သည် ရခိုင်ပြည်နယ်အစိုးရအဖွဲ့၊ စီးပွားရေးရာဝန်ကြီး ဦးစံရွှေမောင်နှင့်အတူ ၂၀၂၃ ခုနှစ်၊ ဖေဖော်ဝါရီလ ၂၆ ရက်တွင် ရခိုင်ပြည်နယ်စစ်တွေမြို့ရှိ စီမံကိန်းရေးဆွဲရေးဦးစီးဌာန၊ ဗဟိုစာရင်းအင်းအဖွဲ့၊ မြန်မာ့ စီးပွားရေးဘဏ်၊ မြန်မာ့လယ်ယာဖွံ့ဖြိုးရေးဘဏ်၊ မြန်မာ့အာမခံလုပ်ငန်း၊ ရသုံးမှန်းခြေငွေစာရင်း ဦးစီးဌာန၊ ပြည်တွင်းအခွန်များဦးစီးဌာန၊ အကောက်ခွန်ဦးစီးဌာန၊ ငွေရေးကြေးရေးကြီးကြပ်စစ် ဆေးရေးဦးစီးဌာနနှင့် ပင်စင်ဦးစီးဌာနတို့မှ ဝန်ထမ်းများအား တွေ့ဆုံပါသည်။ ထို့ပြင် ဒုတိယဝန်ကြီး ချုပ်နှင့် ပြည်ထောင်စုဝန်ကြီး ဦးဝင်းရှိန်သည် ရခိုင်ပြည်နယ်ဝန်ကြီးချုပ် ဦးထိန်လင်းနှင့်အတူ ဖေဖော်ဝါရီလ ၂၈ ရက်တွင် ကျောက်ဖြူမြို့ရှိ မြန်မာ့စီးပွားရေးဘဏ် (ခရိုင်ဘဏ်ခွဲ)၊ မြန်မာ့လယ်ယာ ဖွံ့ဖြိုးရေးဘဏ် (ခရိုင်ဘဏ်ခွဲ) နှင့် အကောက်ခွန်ဦးစီးဌာနရုံးများသို့လည်းကောင်း၊ မတ်လ ၁ ရက် တွင် အမ်းမြို့ရှိ မြန်မာ့စီးပွားရေးဘဏ် (မြို့နယ်ဘဏ်ခွဲ)၊ မြန်မာ့လယ်ယာဖွံ့ဖြိုးရေးဘဏ် (မြို့နယ် ဘဏ်ခွဲ)၊ ပြည်တွင်းအခွန်များဦးစီးဌာနနှင့် စီမံကိန်းရုံးများသို့လည်းကောင်း သွားရောက်စစ်ဆေးပြီး ဝန်ထမ်း များနှင့် တွေ့ဆုံခဲ့ပါသည်။

    ယင်းသို့တွေ့ဆုံစဉ် ဒုတိယဝန်ကြီးချုပ်နှင့် ပြည်ထောင်စုဝန်ကြီးက ဝန်ထမ်းများအနေဖြင့် နှစ်အလိုက် စီမံကိန်းများကို လျာထားချက်အလိုက် အောင်မြင်စွာအကောင်အထည်ဖေါ်ရေး၊ အရည် အသွေးပြည့်မီသောချေးငွေများကို ထုတ်ချေးနိုင်ရေးနှင့် Non-Preforming Loans (NPL) ကျဆင်း ရေးအတွက် စီမံချက်များရေးဆွဲပြီး ထိရောက်စွာ ဆောင်ရွက်နိုင်ရေး၊ သတ်မှတ်ဘဏ္ဍာနှစ်အတွင်း အခွန်လျာထားချက်ပြည့်မီအောင် ကောက်ခံနိုင်ရေးနှင့် ပြည်သူများအား အခွန်ဆိုင်ရာဗဟုသုတများ နားလည်မှုရှိစေရေးအတွက် အသိပညာပေးဆောင်ရွက်ရေး၊ MSME လုပ်ငန်းများအား ဖွံ့ဖြိုးတိုး တက်စေရေးအတွက် ဝန်ထမ်းများအနေဖြင့် MSME လုပ်ငန်းရှင်များအား ဝိုင်းဝန်းပံ့ပိုးဆောင်ရွက် ပေးနိုင်ရေးနှင့် ဝန်ထမ်းများအနေဖြင့် စည်းလုံးညီညွတ်စွာဖြင့် မိမိတို့၏ လုပ်ငန်းတာဝန်များအား ကြိုးပမ်းဆောင်ရွက်ရေးတို့ကို လမ်းညွှန်မှာကြားခဲ့ပြီး ဝန်ထမ်းများ၏ တင်ပြချက်များအား ဖြေရှင်း ဆောင်ရွက်ပေးခဲ့ကြောင်း သိရှိရပါသည်။
သတင်းစဉ်