(၂၆) ကြိမ်မြောက် အောင်ဘာလေထီဖွင့်ပွဲရက် ရွှေ့ဆိုင်းဖွင့်လှစ်မည့်အစီအစဉ်အား နေ့စဉ်ထုတ်သတင်းစာများတွင် ထည့်သွင်းဖော်ပြပေးခြင်းကိစ္စ

           ပြည်ထောင်စုသမ္မတမြန်မာနိုင်ငံတော်အစိုးရ             
စီမံကိန်း၊ ဘဏ္ဍာရေးနှင့် စက်မှုဝန်ကြီးဌာန
ကြေညာချက်အမှတ် ( ၆ / ၂၀၂၁ )

နေပြည်တော်  ၁၃၈၂ ခုနှစ်၊ တပေါင်းလဆန်း  ၉  ရက်
( ၂၀၂၁ ခုနှစ်၊   မတ် လ  ၂၁   ရက် )

၁။    (၂၆) ကြိမ်မြောက် အောင်ဘာလေ ထီလက်မှတ်များကို ပုံမှန်အတိုင်း ၂၀၂၁ ခုနှစ်၊ မတ်လ (၁) ရက်နေ့မှ စတင်ရောင်းချသွားပြီး ထီဖွင့်ပွဲကို ၂၀၂၁ ခုနှစ်၊ ဧပြီလ (၁) ရက်နေ့တွင် ဖွင့်လှစ်သွားမည်ဖြစ်ကြောင်း  ၂၄ - ၂ - ၂၀၂၁ ရက်နေ့ထုတ် နိုင်ငံပိုင်သတင်းစာများတွင် အသိပေးကြေညာခဲ့ပါသည်။ 

၂။    သို့ရာတွင် ထီကံစမ်းသူပြည်သူများ၊ ထီလုပ်ငန်းဖြင့် အသက်မွေးဝမ်းကျောင်းပြုသူ များ၏ အခက်အခဲများကို အဆင်ပြေစေရန် ရည်ရွယ်၍ (၂၆) ကြိမ်မြောက် အောင်ဘာလေ ထီဖွင့်ပွဲကို ထီလက်မှတ်များတွင် ဖော်ပြထားသော ၁-၄-၂၀၂၁ ရက်နေ့အစား ၁-၅-၂၀၂၁ ရက်နေ့သို့ ပြောင်းလဲဖွင့်လှစ်သွားမည်ဖြစ်ပါကြောင်း အသိပေးကြေညာအပ်ပါသည်။

စီမံကိန်း၊ ဘဏ္ဍာရေးနှင့် စက်မှုဝန်ကြီးဌာန