မြန်မာ့အာမခံလုပ်ငန်း

လိပ်စာ - အမှတ် ၆၂၇/၆၃၅၊ ကုန်သည်လမ်း၊ ရန်ကုန်။

ဖုန်း    - (၉၅-၁) ၃၇၉၆၉၆၊ ၂၅၂၃၇၃၊ ၂၅၂၄၃၄။
ဖက်စ်    - (၀၀၉၅-၁) ၃၈၇၂၄၇၊ ၂၅၀၂၇၅။
E-mail    - [email protected], [email protected], [email protected]

Website - www.mminsurance.gov.mm

မြန်မာ့အာမခံ၏ မျှော်ရည်သုံးသပ်ချက်

သဘာဝဘေးအန္တရာယ်နှင့်

လူသားတို့၏ အမှားကြောင့်ဖြစ်ပေါ်လာသော

လူမှုရေး၊ စီးပွားရေးနစ်နာဆုံးရှုံးမှုများ လျော့နည်းပပျောက်ရေးအတွက်

ပြည်သူပြည်သားများ အာမခံထားခြင်းဖြင့်

ကြိုတင်ကာကွယ်ရန် လိုအပ်ပါသည်။

မြန်မာ့အာမခံ၏ ခံယူချက်

လူသားတို့၏ အမှားကြောင့်လည်းကောင်း၊ သဘာဝဘေးအန္တရာယ်ကြောင့်လည်းကောင်း၊

စီးပွားရေး၊ လူမှုရေးအရ နစ်နာဆုံးရုံးမှုများကို ရင်းစားပြန်လည်ရရှိစေနိုင်သည့်

ဆုံးရုံးနိုင်ခြေစီမံခန့်ခွဲမှုနည်းလမ်းတစ်ခုဖြစ်သော အာမခံလုပ်ငန်းဖြင့်

ပြည်သူများအား အကာအကွယ်ပြုသွားရန် အစဉ်ကြိုးပမ်းဆောင်ရွက်နေမည်။

မြန်မာ့အာမခံလုပ်ငန်း

မြန်မာ့အာမခံသည် နိုင်ငံပိုင်အာမခံအဖွဲ့အစည်းဖြစ်ပြီး ၁၉၅၂ ခုနှစ်က စတင် တည်ထောင်ခဲ့ပါသည်။ အသက်အာမခံလုပ်ငန်းကို စတင်ဆောင်ရွက်ခဲ့ကာ နောင်အခါ အသက်နှင့် အထွေထွေအာမခံ နှစ်မျိုးလုံး လက်ခံဆောင်ရွက်ခဲ့ပါသည်။ ယခုလက်ရှိ ဆောင်ရွက်လျက်ရှိသော အာမခံအမျိုးအစားများမှာ-

၁။ ပြည်သူ့ဝန်ထမ်းအသက်အာမခံ

၂။ တပ်မတော်ဝန်ထမ်းအသက်အာမခံ

၃။ ပြည်သူပြည်သားအသက်အာမခံ

၄။ စုပေါင်းအသက်အာမခံ

၅။ သင်္ဘောသားအသက်အာမခံ

၆။ မြန်မာနိုင်ငံသား (တရားဝင်) ပြည်ပလုပ်သားအသက်အာမခံ

၇။ အားကစားသမားကိုယ်အင်္ဂါထိခိုက်မှုအာမခံ

၈။ မြွေအန္တရာယ်အသက်အာမခံ

၉။ ကျန်းမာရေးအာမခံ

၁၀။ တောင်သူလယ်သမားအသက်အာမခံ

၁၁။ မီးနှင့်အပိုအန္တရာယ်အကာအကွယ်များ

၁၂။ ဖောက်ထွင်းခိုးယူမှုအာမခံ

၁၃။ သမာဓိအာမခံ

၁၄။ ငွေသားလုံခြုံမှုအာမခံ

၁၅။ ငွေပို့ငွေသယ်အာမခံ

၁၆။ ကိုယ်အင်္ဂါထိခိုက်မှုနှင့် ရောဂါဘယအာမခံ

၁၇။ အလုပ်သမားလျော်ကြေးအာမခံ

၁၈။ ပေးလျော်ရန်တာဝန်ရှိမှုအာမခံများ

(က) မြေသယံဇာတတူးဖော်ရေးလုပ်ငန်းရှင်တာဝန်ရှိမှုအာမခံ

(ခ) Third Party Liability Insurance/Public Liability Insurance/ Comprehensive General Liability Insurance

၁၉။ ကန်ထရိုက်တာလုပ်ငန်းနှင့် စက်ပစ္စည်းများအာမခံ

(က) ကန်ထရိုက်တာအလုံးစုံအန္တရာယ်အာမခံ

(ခ) တည်ဆောက်မှုအလုံးစုံအန္တရာယ်အာမခံ

(ဂ) အီလက်ထရွန်းနစ်ပစ္စည်းအာမခံ

(ဃ) စက်ပစ္စည်းအာမခံ

၂၀။ အပ်ငွေအာမခံ

၂၁။ ရေကြောင်းကုန်ပစ္စည်းအာမခံ

၂၂။ ရေယာဉ်ကိုယ်ထည်အာမခံ

၂၃။ လေယာဉ်ကိုယ်ထည်အာမခံ

၂၄။ လေကြောင်းပေးလျော်ရန်တာဝန်ရှိမှုအာမခံ

(က) လေယာဉ်အမှုထမ်းများ အသက်နှင့်ကိုယ်အင်္ဂါထိခိုက်မှုအာမခံ

(ခ) လေယာဉ်ကိုယ်ထည်ဆုံးရှုံးမှု/နှုတ်ဖြတ်မှုအာမခံ

(ဂ) လေယာဉ်ကိုယ်ထည် စစ်မက်ဘေးအန္တရာယ်အာမခံ

၂၅။ ခရီးသွားအာမခံ

၂၆။ ရေယာဉ်လုပ်ငန်းရှင်တာဝန်ရှိမှုအာမခံ

၂၇။ ကျားဖောင်လုပ်ငန်းရှင်တာဝန်ရှိမှုအာမခံ

၂၈။ ရေနံနှင့်သဘာဝဓါတ်ငွေ့အာမခံ

၂၉။ သူတစ်ပါးထိခိုက်မှုအာမခံ

၃၀။ အလုံးစုံမော်တော်ယာဉ်အာမခံ

ရုံးချုပ်တည်ရာမှာ အမှတ်-၆၂၇/၆၃၅၊ ကုန်သည်လမ်း၊ ရန်ကုန်မြို့၊ မြန်မာနိုင်ငံဖြစ်ပြီး တစ်နိုင်ငံလုံးတွင် တိုင်း၊ ခရိုင်၊ မြို့နယ် ၃၉-ခု၌ ရုံးခွဲများ ဖွင့်လှစ်ထားရှိပါသည်။

မြန်မာ့အာမခံတွင် ပမာဏကြီးမားသော အရံရန်ပုံငွေများ (အသက်အာမခံရန်ပုံငွေ ကျပ် သန်းပေါင်း ၁၈၀၆၄.၂၃၊ အထွေထွေအာမခံရန်ပုံငွေ ကျပ် ၁၃၂၅၅၈.၈၈ သန်း၊ အထွေထွေသီးသန့် ရန်ပုံငွေ ကျပ် ၁၁၃၆၈.၂၂ သန်းနှင့် ကြီးမားသော တစ်ဆင့်အာမခံအကာအကွယ်များလည်းရှိပါသည်။ မီးနှင့် ရေကြောင်းအာမခံ ပိုလွန်ဆုံးရှုံမှုစာချုပ်များ၊ စွမ်းအင်အာမခံစာချုပ်များ၊ မော်တော်ကား စိတ်ကြိုက်တာဝန်ယူမှုစာချုပ်များလည်း အခိုင်အမာချုပ်ဆိုဆောင်ရွက်လျက်ရှိပါသည်။ အဆိုပါ တစ်ဆင့်အာမခံစာချုပ်များကို ကမ္ဘာ့ထိပ်တန်း တစ်ဆင့်အာမခံကုမ္ပကြီးများနှင့် ချုပ်ဆို ဆောင်ရွက်ထားခြင်းဖြစ်ပါသည်။

ထို့ပြင် မြန်မာ့အာမခံဥပဒေအရ မြန်မာ့အာမခံ၏ ပေးလျော်ရန်တာဝန် အားလုံးအား နိုင်ငံတော်မှ တာဝန်ယူထားပါသည်။ သို့ဖြစ်၍ မြန်မာ့အာမခံသည် မည်သည့်အခါတွင်မျှ ဖျက်သိမ်းခံရမည့်ကုမ္ပဏီ မဟုတ်ပါ။ တရားဝင်လျော်ကြေး တောင်းဆိုမှုမှ မည်သည့်အခါတွင်မျှ ထွက်ပြေး တိမ်းရှောင်လိမ့်မည့် အာမခံကုမ္ပဏီမဟုတ်ဟူ၍လည်းကျော်ဇောပါသည်။ ၂၀၁၇-၂၀၁၈ ဘဏ္ဍာရေး နှစ်အတွင်း လျော်ကြေးစုစုပေါင်း ကျပ် ၇၆၆၈.၁၅ သန်း ပေးလျော်ခဲ့ပါသည်။

မြန်မာ့အာမခံသည် အခြားအာမခံကုမ္ပဏီများနည်းတူ အေးဂျင့်စနစ်အသုံးပြုလျက်ရှိပြီး၊ အေးဂျင့်အသစ်များကိုလည်း အစဉ်ခန့်အပ်လေ့ကျင့်ပေးလျက်ရှိပါသည်။

မြန်မာ့အာမခံသည် နိုင်ငံတော်ပိုင် အာမခံကုမ္ပဏီဖြစ်သည်နှင့်အညီ ဥပဒေအရ နိုင်ငံခြား ရင်းနှီးမြှုပ်နှံသူများသည် လိုအပ်သော အာမခံအကာအကွယ်များကို မြန်မာ့အာမခံမှသာ ဝယ်ယူရမည်ဖြစ်ပါသည်။