ရန်ကုန်တိုင်းဒေသကြီး၊ ဗဟန်းမြို့နယ်၊ ကန်ရိပ်သာလမ်းရှိ ကန်တော်ကြီးပဲလေ့စ်ဟိုတယ် အဆောက်အဦးသည် (၁၉-၁၀-၂၀၁၇)ရက်နေ့ နံနက်(၃:၀၀)နာရီအချိန်တွင် မီးလောင်မှုဖြစ်ပွား ခဲ့ရာ၌ Hotel အဆောက်အဦးနှင့် Club အဆောက်အဦး(၂)လုံး မီးလောင်ဆုံးရှုံးခဲ့မှုအတွက် လျော်ကြေးပေးအပ်ပွဲအခမ်းအနားကို (၁၇-၁၁-၂၀၁၇)ရက်နေ့ နေ့လည်(၁၁:၀၀)နာရီအချိန်တွင် မြန်မာ့အာမခံလုပ်ငန်းရုံးချုပ် စတုတ္ထထပ်အစည်းအဝေးခန်းမ၌ ကျင်းပပြုလုပ်ခဲ့ပါသည်။

မီးအာမခံထားရှိမှုမှာ မြန်မာ့အာမခံလုပ်ငန်းတွင် ပေါ်လစီအမှတ် ဗဟန်း/FM-337(7-12)ဖြင့် အဆောက်အဦး(၄)လုံးအား အာမခံထားငွေ ကျပ် ၈၅၅ ဖြင့်လည်းကောင်း၊ ပေါ်လစီအမှတ် ဗဟန်း/FM-338(7-12)ဖြင့် အဆောက်အဦး(၆)လုံးအား အာမခံထားငွေကျပ် ၇၂ သန်းဖြင့် လည်းကောင်း ထားရှိခဲ့ရာတွင် ပေါ်လစီအမှတ်/FM-337(7-12)ဖြင့် ထားရှိသော အဆောက် အဦး(၄)လုံးအနက် Hotel အဆောက်အဦးနှင့် Club အဆောက်အဦး (၂)လုံးသာ မီးလောင်  ဆုံးရှုံးခဲ့ခြင်းဖြစ်ပါသည်။

အဆိုပါ လျော်ကြေးပေးအပ်ပွဲတွင် Constructive Total Loss မီးလောင်ဆုံးရှုံးခဲ့သည့် Hotel အဆောက်အဦးနှင့် Partial Loss မီးလောင်ဆုံးရှုံးခဲ့သည့် Club အဆောက်အဦးတို့အတွက် လျော်ကြေးငွေကျပ် ၆၉၂.၀၀ သန်းကို ဦးဆောင်ညွှန်ကြားရေးမှူး ဒေါက်တာစန္ဒာဦးက ပေးအပ် ခဲ့ကြောင်း သတင်းရရှိပါသည်။