မြန်မာ့အာမခံလုပ်ငန်းမှ ခရီးသွားအာမခံနှင့် သူတစ်ပါးထိခိုက်မှုအာမခံ လျော်ကြေးပေးအပ်ပွဲကို ၉-၉-၂၀၁၇ ရက်နေ့ နံနက် ၁၀ နာရီတွင် YRTA(အဝေးပြေး)ဒဂုံဧရာရုံးခွဲ(လှိုင်သာယာ)၌ ကျင်းပပြုလုပ်ရာ ဦးဆောင်ညွှန်ကြားရေးမှူး ဒေါက်တာစန္ဒာဦး၊ အထွေထွေမန်နေဂျာ ဦးခင်မောင်ဝင်း၊ ဒုတိယအထွေထွေမန်နေဂျာ ဦးညီညီအောင်၊ ဒုတိယအထွေထွေမန်နေဂျာ ဒေါ်ခင်မိုးကြွယ်နှင့် အရာထမ်း ဝန်ထမ်းများ၊ YRTA မှ ဒုတိယလက်ထောက်ဌာနမှူး ဦးမြင့်အောင်နှင့်တာဝန်ရှိသူများ
အကျိုးခံစားခွင့်ရှိသူ ၄ ဦး၏ မိသားစုဝင်များ တက်ရောက်ကြပါသည်။ အခမ်းအနားတွင် အကျိုးခံစားခွင့်ရှိသူ ၄ ဦးအတွက် တစ်ဦးလျှင်ကျပ်သိန်း ၃၀ ဖြင့် စုစုပေါင်းကျပ် သိန်း ၁၂၀ ပေးအပ်ခဲ့ပါသည်။ ဖြစ်စဉ်မှာ ၂၆-၇-၂၀၁၇ ရက်နေ့တွင် ရန်ကုန်ကျောင်းကုန်းခရီးစဉ်၌ ရဲအောင်လံ ယာဉ်လိုင်းမှ ယာဉ်အမှတ် 5M/7353 မှကျော်တက်၍ အာမခံထားရှိသော စေတနာရှင်ယာဉ်လိုင်းမှ ယာဉ်အမှတ် 7F/4842 တို့ တိုက်မိခြင်းကြောင့် ခရီးသည် ၄ ဦး သေဆုံးခြင်းအတွက် ပေးအပ်သော လျော်ကြေးဖြစ်ပါ သည်။ မြန်မာ့အာမခံလုပ်ငန်းမှ ယနေ့ထိ အာမခံအမျိုးအစား ပေါင်း ၄၈ မျိုးကို အချိန်နှင့်တပြေးညီ ဝန်ဆောင်မှုပေးလျက်ရှိပါသည်။