အာမခံလုပ်ငန်း အသိပညာပေးခြင်းအခမ်းအနား

မြန်မာ့အာမခံလုပ်ငန်း၊ ဟင်္သာတခရိုင်ရုံးမှ အာမခံလုပ်ငန်း အသိပညာပေးဟောပြောပွဲအခမ်းအနားကို ဟင်္သာတခရိုင်၊ စက်မှုလယ်ယာရုံးဝန်းအတွင်း၌ (၁၀-၈-၂၀၁၇)ရက်နေ့ နံနက်(၁၀:၀၀)နာရီအချိန်တွင် ကျင်းပ ပြုလုပ်ခဲ့ပါသည်။

            အဆိုပါဟောပြောပွဲ၌ ခရိုင်စက်မှုလယ်ယာရုံးဌာန ဦးစီးမှူး ဦးလှိုင်တိုး၊ မြို့နယ်စက်မှုလယ်ယာဦးစီးမှူး ဦးကျော်ဟိန်းနှင့် ဌာနဆိုင်ရာမှ (၇၀)ဦးခန့် တက်ရောက်၍ အာမခံလုပ်ငန်းမှ ဆောင်ရွက်နေသည့် လုပ်ငန်း (၅)မျိုးအကြောင်းကို ဟင်္သာတခရိုင်အာမခံရုံးတာဝန်ခံ ဦးနေဝင်းမှ ရှင်းလင်းပြောကြားခဲ့ပါသည်။

            မြန်မာ့အာမခံဌာနမှ ဆောင်ရွက်ပေးနေသည့် ပြည်သူ့ဝန်ထမ်းအသက်အာမခံ၊ သူတစ်ပါးထိခိုက်မှုအာမခံ လုပ်ငန်း၊ မီးနှင့်အမျိုးမျိုးအာမခံလုပ်ငန်း၊ ရေကြောင်းကုန်ပစ္စည်းအာမခံလုပ်ငန်း၊ ခရီးသွားအာမခံလုပ်ငန်း၊ မြွေအန္တရာယ်အာမခံအကြောင်းများ ရှင်းလင်းဆွေးနွေးခဲ့ပါသည်။

            အဆိုပါဟောပြောပွဲ၌ အဆိုပြုလွှာဖြည့်စွက်လက်ခံဆောင်ရွက်ပေးခဲ့ပြီး တက်ရောက်သူများမှ မေးမြန်း သည့် အလုံးစုံမော်တော်ယာဉ်အာမခံထားရှိခြင်းနှင့် ထားရှိရန်လိုအပ်ချက်များ၊ ရရှိနိုင်မည့် အကျိုးခံစားခွင့်များ၊ ပေးဆောင်ရမည့် အာမခံပရီမီယံကြေးများနှင့် ပတ်သက်၍ မေးမြန်းမှုများကိုလည်း ရှင်းလင်းဟောပြောပေးခဲ့ပါသည်။