မြန်မာ့အာမခံလုပ်ငန်း၊ ဖျာပုံခရိုင်ရုံး၏ အာမခံလုပ်ငန်းအကြောင်း အသိပညာပေးဟောပြောပွဲ အား ၂၃-၆-၂၀၁၈ ရက်နေ့ နံနက် ၁၀:၀၀ နာရီအချိန်တွင် ဒေးဒရဲမြို့ မြို့လယ်သံတန်ဆောင်း ဘုရားဝန်းအတွင်းတွင် ကုန်းလမ်းပို့ဆောင်ရေးညွှန်ကြားမှုဦးစီးဌာနနှင့်ပူးပေါင်း၍ နယ်လှည့် ကွင်းဆင်းဆောင်ရွက်စဉ် ကျင်းပပြုလုပ်ရာ ယာဉ်ပိုင်ရှင်များ၊ မော်တော်ယာဉ် လူစီးလိုင်စင် ပြုလုပ်သူများ၊ စုစုပေါင်း အင်အား (၂၀၀) ဦးခန့် တက်ရောက်ခဲ့ကြပါသည်။

ထပ်မံ၍ ၂၉-၆-၂၀၁၈ ရက်နေ့ နံနက် ၁၀:၀၀ နာရီအချိန်တွင် ဖျာပုံမြို့နယ်၊ ပြည်သူ့ကျန်းမာရေး ဦးစီးဌာန အစည်းအဝေးခန်းမ၌ အာမခံအကြောင်း သိကောင်းစရာများနှင့် အာမခံလုပ်ငန်းများ အကြောင်း ဟောပြောပွဲ ကျင်းပပြုလုပ်ခဲ့ပါသည်။ အဆိုပါဟောပြောပွဲ၌ ခရိုင်တာဝန်ခံ ဒေါ်ခင်မျိုးသီမှ နိုင်ငံတော်ပိုင် မြန်မာ့အာမခံလုပ်ငန်းမှ ဆောင်ရွက်နေသော သူတစ်ပါးထိခိုက်မှု အာမခံ၊ အလုံးစုံမော်တော်ယာဉ်အာမခံ၊ မီးနှင့်သဘာဝဘေးအန္တရာယ်အာမခံ၊ ရေ/လေခရီးသွား အာမခ့နှင့် တောင်သူလယ်သမားအသက်အာမခံ၊ ပြည်သူ့ဝန်ထမ်းအသက်အာမခံလုပ်ငန်းများ အကြောင်း ရှင်းလင်းဟောပြောခဲ့ပါသည်။ အဆိုပါဟောပြောပွဲသို့ ဖျာပုံခရိုင်အတွင်းရှိ ကျန်းမာ ရေးဦးစီးဌာနမှ အရာထမ်း၊ ဝန်ထမ်းများ စုစုပေါင်း (၁၅၀) ဦးတက်ရောက်ခဲ့ကြပါသည်။