အာမခံလုပ်ငန်းအကြောင်းသိကောင်းစရာဟောပြောပွဲကျင်းပပြုလုပ်ခြင်း

မြန်မာ့အာမခံလုပ်ငန်း၊ ဧရာဝတီတိုင်းဒေသကြီးရုံး၏ အာမခံလုပ်ငန်းအကြောင်း သိကောင်းစရာဟောပြောပွဲအား (၇-၅-၂၀၁၈)ရက်နေ့ နံနက်(၁၀:၀၀)နာရီအချိန်တွင် ငွေဆောင်မြို့ အထွေထွေအုပ်ချုပ်ရေးဦးစီးဌာနခန်းမတွင် ကျင်းပပြုလုပ်ခဲ့ပါသည်။

ဟောပြောပွဲသို့ ငွေဆောင်မြို့ ဌာနဆိုင်ရာအသီးသီးမှဝန်ထမ်းများ၊ ဟိုတယ်ဇုံမှ တာဝန်ရှိသူများ၊ ရပ်မိရပ်ဖများ စုစုပေါင်း(၁၀၀)ဦးခန့် တက်ရောက်ခဲ့ပါသည်။

အဆိုပါဟောပြောပွဲသို့ တက်ရောက်လာသူများအား တိုင်းဒေသကြီးတာဝန်ခံမှ နိုင်ငံပိုင် မြန်မာ့အာမခံလုပ်ငန်းတွင် ဆောင်ရွက်နေသောလုပ်ငန်းများအကြောင်း အကျဉ်းမျှဟောပြောပြီး သူတစ်ပါးထိခိုက်မှုအာမခံလုပ်ငန်း၊ မီးနှင့်အမျိုးမျိုးအာမခံလုပ်ငန်း၊ ရေ/လေခရီးသွားအာမခံ လုပ်ငန်း၊ ကျန်းမာရေးအာမခံလုပ်ငန်းနှင့် အသက်အာမခံလုပ်ငန်း၊ တောင်သူလယ်သမား အသက်အာမခံလုပ်ငန်း၊ မြွေအန္တရာယ်အာမခံလုပ်ငန်းများအကြောင်း အသေးစိတ်ရှင်းလင်း ပြောကြားခဲ့ပါသည်။ တက်ရောက်လာသူများမှ သိလိုသည့်အချက်များ မေးမြန်းခြင်းအား တိုင်းဒေသကြီးတာဝန်ခံမှ အသေးစိတ်ပြန်လည်ရှင်းလင်းပြောကြားခဲ့ပါသည်။