အာမခံလုပ်ငန်းအသိပညာပြန့်ပွားရေးဟောပြောဆွေးနွေးပွဲကျင်းပပြုလုပ်ခြင်း

မြန်မာ့အာမခံလုပ်ငန်း၊ ကရင်ပြည်နယ်ရုံးပြည်နယ်ရုံးမှ အာမခံပညာရပ် ပြန့်ပွားရေး ဟောပြောပွဲအား ပြည်နယ်တာဝန်ခံ လက်ထောက်မန်နေဂျာ ဒေါ်မေကျော့ခိုင်မှ (၁၄-၂-၂၀၁၈) ရက်နေ့တွင် သံတောင်မြို့နယ် အထွေထွေအုပ်ချုပ်ရေးမှူးရုံးတွင် ကျင်းပသော ယာဉ်စည်းကမ်း၊ လမ်းစည်းကမ်းဟာပြောပွဲတွင် မြန်မာ့အာမခံလုပ်ငန်းမှ ဆောင်ရွက်လျက်ရှိသော အာမခံအမျိုးအစားများအကြောင်းနှင့် အာမခံထားရှိခြင်းဖြင့် ရရှိနိုင်သော အကျိုးကျေးဇူးများကို တက်ရောက်လာသော ပြည်သူများအား သိရှိစေရန်လည်းကောင်း၊ (၁၆-၂-၂၀၁၈) ရက်နေ့တွင် ဘုရင့်နောင်တပ်နယ် သံတောင်ကြီးမြို့နယ်တွင် တပ်မိသားစုများအား အာမခံအကြောင်း ရှင်းလင်းပြောကြားခဲ့ရာ တပ်မိသားစု (၂၈၀)ဦးခန့် တက်ရောက်ခဲ့ပါသည်။ ထို့နောက် (၂၆-၂-၂၀၁၈)ရက်နေ့တွင် ဘားအံနည်းပညာတက္ကသိုလ်တွင် က.ည.န၊ ကျန်းမာရေးဦးစီးဌာန၊ ပြည်သူ့ရဲတပ်ဖွဲ့ တို့နှင့်အတူ ယာဉ်စည်းကမ်း၊ လမ်းစည်းကမ်းဟောပြောပွဲတွင်လည်းကောင်း မြန်မာ့အာမခံလုပ်ငန်းအကြောင်းကို ကျောင်းသူ/ကျောင်းသားများ သိရှိနားလည်ကြစေရန် ဟောပြောခဲ့ရာ လူဦးရေ(၃၀၀)ခန့် တက်ရောက်ခဲ့ပါသည်။