မြန်မာ့အာမခံလုပ်ငန်း၊ ​တောင်ငူခရိုင်ရုံးမှ အာမခံအသိပညာပြန့်ပွားတိုးတက်ရန် ဟောပြောပွဲအား (၁၄-၁-၂၀၁၈)ရက်နေ့ နေ့လည်(၁၁:၃၀)နာရီတွင် တောင်ငူခရိုင် မီးသတ်ဦးစီးဌာနတွင် ကျင်းပပြုလုပ်ရာ ခရိုင်မီးသတ်ဦးစီးဌာနမှ ခရိုင်မီးသတ်ဦးစီးမှူး ဦးမြင့်နိုင်ထွန်းနှင့် တောင်ငူ၊ ထန်းတပင်၊ အုတ်တွင်း၊ ဆွာ၊ ရေတာရှည်၊ မြို့လှမြို့တို့မှ မီးသတ်ဦးစီးများနှင့် မီးသတ်ဝန်ထမ်းများ စိတ်ပါဝင်စားသူ စုစုပေါင်း (၂၀၀)ဦးခန့် တက်ရောက်ခဲ့ကြပါသည်။

အဆိုပါဟောပြောပွဲတွင် အသက်အာမခံနှင့်ပတ်သက်၍ ဝန်ထမ်း(၈၅)ဦးအား အသက်အာမခံ ထားရှိရန် စည်းရုံးနိုင်ခဲ့ပြီး တောင်သူလယ်သမားအသက်အာမခံ (၃၅)ဦးအား ထားရှိခဲ့ပါသည်။ ဆက်လက်၍ တာဝန်ခံမှ သူတစ်ပါးထိခိုက်မှုအာမခံနှင့် အလုံးစုံအာမခံများအကြောင်းကိုလည်း အကျယ်တဝင့် ရှင်းလင်းပြောကြားခဲ့ပြီး တက်ရောက်လာသူများမှ သိလိုသည်များအား ဆွေးနွေးပြောကြားခဲ့ပါသည်။