မြန်မာနိုင်ငံ၏ လူမှုရေးနှင့်စီးပွားရေးဖွံ့ဖြိုးတိုးတက်စေရေးအတွက် ဂျပန်နိုင်ငံမှ ပုဂ္ဂလိက ကုမ္ပဏီများ မြန်မာနိုင်ငံတွင် ပိုမိုရင်းနှီးမြှုပ်နှံလာစေရန် ရည်ရွယ်၍ 5th  Myanmar- Japan Joint Initiative (Phase II) အစည်းအဝေးကို စီမံကိန်းနှင့် ဘဏ္ဍာရေးဝန်ကြီးဌာနနှင့် ပြည်ထောင်စုသမ္မတ မြန်မာနိုင်ငံဆိုင်ရာ ဂျပန်သံရုံးတို့ ပူးပေါင်း၍ ယနေ့နံနက် (၉း၀၀) နာရီတွင် နေပြည်တော်ရှိ Kempinski Hotel ၌ ကျင်းပပြုလုပ်ခဲ့ပါသည်။  

အစည်းအဝေးတွင် စီမံကိန်းနှင့်ဘဏ္ဍာရေးဝန်ကြီးဌာန၊ ပြည်ထောင်စုဝန်ကြီးဦးကျော်ဝင်း  နှင့်  ဂျပန်သံအမတ်ကြီး Mr. Tateshi HIGUCHI တို့မှ အဖွင့်အမှာစကားပြောကြား၍ JCCM  ဥက္ကဋ္ဌ ဖြစ်သူ Mr. Katsuji Nakagawa မှ နှုတ်ခွန်းဆက်စကားပြောကြားပါသည်။

အဆိုပါ အစည်းအဝေးတွင် စီမံကိန်းနှင့် ဘဏ္ဍာရေးဝန်ကြီးဌာန၊ ဒုတိယဝန်ကြီး ဦးဆက်အောင်နှင့် ပြည်ထောင်စုသမ္မတ မြန်မာနိုင်ငံဆိုင်ရာ ဂျပန်သံအမတ်ကြီး Mr. Tateshi  HIGUCHI တို့မှ ပူးတွဲဦးဆောင်၍ သက်ဆိုင်ရာဌာနများမှ ညွှန်ကြားရေးမှူးချုပ်/ ဦးဆောင် ညွှန်ကြားရေးမှူးများ၊ UMFCCI နှင့် သက်ဆိုင်ရာဌာနများမှ တာဝန်ရှိပုဂ္ဂိုလ်များနှင့် ဂျပန် ဘက်မှ ဂျပန်သံရုံး၊ JCCM, JICA နှင့် JETRO တို့မှ တာဝန်ရှိပုဂ္ဂိုလ်များပါဝင်၍ ဂျပန်-မြန်မာ ပူးပေါင်းဆောင်ရွက်မှုလုပ်ငန်းအဖွဲ့ (၅) ဖွဲ့ ဖြစ်သည့် စက်မှုမူဝါဒဆိုင်ရာ လုပ်ငန်းအဖွဲ့၊ ကုန်သွယ် ရေးမူဝါဒဆိုင်ရာ လုပ်ငန်းအဖွဲ့၊ ဘဏ္ဍာရေးဆိုင်ရာ လုပ်ငန်းအဖွဲ့၊ အခွန်ကိစ္စဆိုင်ရာ လုပ်ငန်း အဖွဲ့နှင့် နိုင်ငံခြားရင်းနှီးမြှုပ်နှံမှု မြှင့်တင်ရေး ဆိုင်ရာလုပ်ငန်းအဖွဲ့တို့က ၂၀၁၇-၂၀၁၈ ခုနှစ် အတွင်းဆောင်ရွက်ခဲ့သည့် လုပ်ငန်းဆောင်ရွက်ချက်များ၏ တိုးတက်မှုအစီရင်ခံစာ၊ ရှေ့ ဆက်လက်ဆောင်ရွက်မည့် လုပ်ငန်းအစီအစဉ်များ၊ ဆောင်ရွက်ရန်ကျန်ရှိနေသည့် လုပ်ငန်းများ နှင့် စပ်လျဉ်း၍ အပြန်အလှန်ဆွေးနွေးခဲ့ပါသည်။

အစည်းအဝေးသို့ မြန်မာဘက်မှ စီမံကိန်းနှင့် ဘဏ္ဍာရေးဝန်ကြီးဌာန၊ ပို့ဆောင်ရေးနှင့် ဆက်သွယ်ရေး၀န်ကြီးဌာန၊ အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၊ စက်မှုဝန်ကြီးဌာန၊ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ ဆောက်လုပ်ရေး ၀န်ကြီး ဌာန၊ မြန်မာနိုင်ငံတော်ဗဟိုဘဏ်၊ ပြည်ထောင်စုသမ္မတ မြန်မာနိုင်ငံကုန်သည်များနှင့် စက်မှု လက်မှု လုပ်ငန်းရှင်များအသင်းချုပ်၊ ရင်းနှီးမြှုပ်နှံမှုနှင့် ကုမ္ပဏီများညွှန်ကြားမှုဦးစီးဌာန၊ ပြည်တွင်းအခွန်များဦးစီးဌာန၊ အကောက်ခွန် ဦးစီးဌာန၊ ငွေရေးကြေးရေး ကြီးကြပ် စစ်ဆေးရေးဦးစီးဌာန၊ မြန်မာ့အာမခံလုပ်ငန်းနှင့် ရန်ကုန် မြို့တော်စည်ပင်သာယာရေး ကော်မတီ တို့မှကိုယ်စားလှယ်များနှင့် ဂျပန်ဘက်မှ မြန်မာနိုင်ငံဆိုင်ရာ ဂျပန်သံအမတ်ကြီးဦးဆောင်၍ စီးပွားရေးလုပ်ငန်းရှင်များပါဝင်သည့် ကိုယ်စားလှယ်စုစုပေါင်း (၇၀) ဦးခန့် တက်ရောက် ခဲ့ကြောင်း သတင်းရရှိပါသည်။