အမျိုးသားမှတ်တမ်းများမော်ကွန်းတိုက်ဦးစီးဌာန၊ Basic Conservation Course သင်တန်းဖွင့်လှစ်ခြင်း နေပြည်တော်၊ စက်တင်ဘာလ ၁၂

ဌာနရှိဝန်ထမ်းများအနေဖြင့် မိမိတို့ဌာနတွင် စုဆောင်းထားသော မော်ကွန်း/ မှတ်တမ်း များကို ရေရှည်မပျက်စီးစေရေး ထိန်းသိမ်းတဲ့ပညာရပ်များကို စနစ်တကျ တတ်မြောက်ပြီး လုပ်ကိုင် ဆောင်ရွက်နိုင်ရန်အတွက် Basic Conservation Course သင်တန်းကို   (၁၂-၉-၂၀၂၂)  ရက်နေ့၊ နေ့လယ် (၁:၀၀) နာရီတွင်ကျင်းပခဲ့ပါသည်။ သင်တန်းဖွင့်ပွဲတွင် ညွှန်ကြားရေးမှူးချုပ် ဦးဆန်းမြင့် က အဖွင့်အမှာစကား ပြောကြားခဲ့ပါသည်။

          သင်တန်းတွင် မော်ကွန်း/ မှတ်တမ်းများကို ပိုးသတ်ရာတွင် ပါဝင်သည့် ပစ္စည်းများနှင့် ပတ်သက်၍ ရှင်းလင်းပို့ချခြင်း၊ ပိုးသတ်ခြင်း၊ စာရွက်စာတမ်းများ ပြုပြင်ထိန်းသိမ်းခြင်း (Paper Conservation)၊ Tissue Repair ၊ Book Binding (ဖောက်ချုပ်ခြင်းနည်းပညာ၊ သီချုပ်ခြင်း နည်းပညာ) နှင့် Book Cover ပြုလုပ်ခြင်း  (Designs For Book Covering) ထားရှိမှုတွေကို စာတွေ့/လက်တွေ့ သင်ကြားပို့ချသွားမည် ဖြစ်ပါသည်။ သင်တန်းကို (၁၆-၉-၂၀၂၂) ထိ ဖွင့်လှစ် မည်ဖြစ်ပြီး ဌာနခွဲအသီးသီးမှ သင်တန်းသား/ သင်တန်းသူ စုစုပေါင်း (၁၁) ဦး တက်ရောက်လျက် ရှိပါသည်။