ဗဟိုစာရင်းအင်းအဖွဲ့ ညွှန်ကြားရေးမှူးချုပ်နှင့်အဖွဲ့ (၁၂) ကြိမ်မြောက် အာဆီယံအသိုက်အဝန်း စာရင်းအင်းစနစ်ကော်မတီအစည်းအဝေးသို့ Video Conferencing စနစ်ဖြင့် တက်ရောက်

ကမ္ဘောဒီးယားနိုင်ငံ၊ ဖနွမ်ပင်မြို့တွင် ၂၀၂၂ ခုနှစ်၊ နိုဝင်ဘာလ (၂၁) ရက်နေ့မှ (၂၃) ရက်နေ့အထိ ကျင်းပသည့် (၁၂) ကြိမ်မြောက် အာဆီယံအသိုက်အဝန်းစာရင်းအင်းစနစ် ကော်မတီ အစည်းအဝေးသို့ စီမံကိန်းနှင့်ဘဏ္ဍာရေးဝန်ကြီးဌာန၊ ဗဟိုစာရင်းအင်းအဖွဲ့ ညွှန်ကြားရေးမှူးချုပ် ဦးထွန်းဇော်နှင့်အဖွဲ့  Video Conferencing စနစ်ဖြင့် တက်ရောက်ခဲ့ပါသည်။
အစည်းအဝေးသို့ အာဆီယံအဖွဲ့ဝင်နိုင်ငံများ၏ အမျိုးသားစာရင်းအင်းရုံးမှ အကြီးအမှူးများ၊ အာဆီယံအသိုက်အဝန်းစာရင်းအင်းစနစ် ကော်မတီဝင်များနှင့် ဆပ်ကော်မတီဝင်များ၊ လုပ်ငန်းအဖွဲ့ဝင်များ၊ အာဆီယံစာရင်းအင်းဌာနခွဲ (ASEANstats)နှင့် အာဆီယံပေါင်းစည်းမှု စောင့်ကြည့်လေ့လာရေးညွှန်ကြားမှုဦးစီးဌာန (AIMD) များမှ ကိုယ်စားလှယ်များ၊ ကမ္ဘောဒီးယား နိုင်ငံရှိ သက်ဆိုင်ရာ ဝန်ကြီးဌာနများ၊ တက္ကသိုလ်များနှင့် မီဒီယာများမှ ကိုယ်စားလှယ်များ၊ အေဂျင်စီများ၊ အပြည်ပြည်ဆိုင်ရာ အဖွဲ့အစည်းများနှင့် ဖွံ့ဖြိုးရေး မိတ်ဖက်များ တက်ရောက်ခဲ့ပါသည်။
အစည်းအဝေးတွင် (၁၁)ကြိမ်မြောက် အာဆီယံအသိုက်အဝန်းစာရင်းအင်းစနစ် ကော်မတီ အစည်းအဝေး ဆုံးဖြတ်ချက်များအပေါ် ဆောင်ရွက်ထားရှိမှုများ၊  ACSS Strategic Plan 2016-2025 အကောင်အထည်ဖော်မှုနှင့် နှစ်ပတ်လည်လုပ်ငန်းစီမံချက်များ၊ Data Harmonization လုပ်ငန်းစဉ် တိုးတက်မှုများနှင့် အခြားစာရင်းအင်းဆိုင်ရာ ဖွံ့ဖြိုးတိုးတက်ရေးဆိုင်ရာ ကိစ္စရပ်များ ကို ဆွေးနွေးခြင်း၊ အာဆီယံဒေသတွင်း စဉ်ဆက်မပြတ်ပူးပေါင်းဆောင်ရွက်မှု အကောင်အထည် ဖော်ရေး အစီအစဉ်များ၊ စာရင်းအင်းဆိုင်ရာ  တိုးတက်မှု၊ အတွေ့အကြုံနှင့် စိန်ခေါ်မှုများအား နိုင်ငံ အလိုက်တင်ပြခြင်း၊ ၂၀၂၁-၂၀၂၂ ခုနှစ်အတွင်း အာဆီယံအသိုက်အဝန်း စာရင်းအင်းစနစ် ကော်မတီ ၏ ဆောင်ရွက်ချက်များနှင့် ရှေ့လုပ်ငန်းစဉ်များအား ဆွေးနွေးတင်ပြကြပြီး ၂၀၂၃ ခုနှစ်တွင် ကျင်းပမည့် (၁၃) ကြိမ်မြောက် အာဆီယံအသိုက်အဝန်း စာရင်းအင်းစနစ်ကော်မတီ အစည်းအဝေးနှင့် ဆက်စပ်အစည်းအဝေးများအား အင်ဒိုနီးရှားနိုင်ငံတွင် ကျင်းပရန် စီစဉ်ထား ပါကြောင်း ဆွေးနွေးခဲ့ကြပါသည်။

, ,