လက်ရှိဖြစ်ပေါ်နေသော ကပ်ရောဂါ Covid-19 ဖြင့် သေဆုံးမှုများကို WHO မှ သတ်မှတ်ထားသည့် စံနှုန်းများအတိုင်း ICD coding ပြုလုပ်သွားနိုင်ရန်၊ သင်္ကေတရေးသွင်းသူများ၏ စွမ်းဆောင်ရည်မြှင့်တင်ရန်နှင့် ပြန်လည်သုံးသပ်ပြီး လိုအပ်သည့် အသိပညာများ ပံ့ပိုးပေးနိုင်ရန် ရည်ရွယ်၍ Bloomberg Data for Health Initiative မှ နည်းပညာပံ့ပိုးမှုဖြင့် Zoom Application အသုံးပြု၍ ICD-10 Coding for Covid-19 သင်တန်းကို ၂၀၂၀ပြည့်နှစ်၊ ဇွန်လ ၁၈ရက်နေ့တွင် ဗဟိုစာရင်းအင်းအဖွဲ့ ရုံးအမှတ်(၃၂)၊ နေပြည်တော်၌ ကျင်းပပြုလုပ်ခဲ့ပါသည်။ အဆိုပါသင်တန်းတွင် ဗဟိုစာရင်းအင်းအဖွဲ့ ညွှန်ကြားရေးမှူးချုပ် ဦးဆန်းမြင့်က အဖွင့်အမှာစကား ပြောကြားခဲ့ပြီး University of Melbourne, Australia မှ Senior Research Fellow ဖြစ်သူ Dr.Saman Gamage က ဆွေးနွေးပို့ချခဲ့ပါသည်။ အဆိုပါသင်တန်းသို့ ဗဟိုစာရင်းအင်းအဖွဲ့ ဖွားသေစာရင်းအင်းဌာနစိတ်မှ ဝန်ထမ်းများ တက်ရောက်ခဲ့ကြပါသည်။