Statistical Business Register (SBR) သင်တန်းဖွင့်လှစ်ခြင်း

စီမံကိန်းနှင့် ဘဏ္ဍာရေးဝန်ကြီးဌာန၊ ဗဟိုစာရင်းအင်းအဖွဲ့နှင့် United Nations Economic and Social Commission for Asia and the Pacific (UNESCAP) တို့ ပူးပေါင်း၍ စီးပွားရေးလုပ်ငန်းများ မှတ်ပုံတင်ခြင်းဆိုင်ရာ စာရင်းအင်းလုပ်ငန်း (SBR) သင်တန်းကို ၂၀၁၉ ခုနှစ်၊ နိုဝင်ဘာလ (၁၄) ရက်နေ့တွင် ဗဟိုစာရင်းအင်းအဖွဲ့၊ ရုံးအမှတ် (၃၂)၊ နေပြည်တော်၌ ဖွင့်လှစ် ခဲ့ပါသည်။ တိုင်းဒေသကြီး/ပြည်နယ် ဗဟိုစာရင်းအင်းအဖွဲ့မှ ဝန်ထမ်းများအနေဖြင့် SBR ၏ ရည်ရွယ်ချက်နှင့် အချက်အလက်များ ကောက်ယူစုစည်းရာတွင် လိုက်နာကျင့်သုံးရမည့် အလေ့အကျင့်ကောင်းများ ကိုသိရှိစေရန်နှင့် ကောက်ယူစုစည်းသည့် စီးပွားရေးလုပ်ငန်းလိုင်စင် အချက်အလက်များ၏ အရည်အသွေးတိုးတက် ကောင်းမွန်စေရန်ရည်ရွယ်၍ သင်တန်းပို့ချ ခြင်းဖြစ်ပါသည်။ အဆိုပါသင်တန်းအား ၂၀၁၉ ခုနှစ်၊ နိုဝင်ဘာလ (၁၄) ရက်နေ့မှ နိုဝင်ဘာလ (၁၅) ရက်နေ့ ထိ ကျင်းပမည်ဖြစ်ပြီး တိုင်းဒေသကြီး/ပြည်နယ် ဗဟိုစာရင်းအင်းအဖွဲ့မှ သင်တန်းသား/သူ (၃၄) ဦး တက်ရောက်မည်ဖြစ်ပါသည်။