ဗဟိုစာရင်းအင်းအဖွဲ့၊ ညွှန်ကြားရေးမှူးချုပ်နှင့် အဖွဲ့ (၇) ကြိမ်မြောက် အပြည်ပြည်ဆိုင်ရာကုန်စည်ကုန်သွယ်မှုစာရင်းအင်းဆိုင်ရာလုပ်ငန်းကော်မတီ Virtual အစည်းအဝေးသို့ ပါဝင်တက်ရောက်

၂၀၂၁ ခုနစ်၊ ဇူလိုင်လ ၁၃ ရက်နေ့မှ ၁၄ရက်နေ့ထိ

(၇) ကြိမ်မြောက် အပြည်ပြည်ဆိုင်ရာကုန်စည်ကုန်သွယ်မှု စာရင်းအင်းဆိုင်ရာလုပ်ငန်း ကော်မတီ Virtual အစည်းအဝေးကို ၂၀၂၁ ခုနှစ်၊ ဇူလိုင်လ ၁၃ ရက်နေ့မှ ၁၄ ရက်နေ့အထိ Cisco Webex Platform အသုံးပြု၍ အာဆီယံစာရင်းအင်းဌာန၏ ပံ့ပိုးကူညီမှုဖြင့် ကျင်းပပြုလုပ်ခဲ့ပါသည်။ အဆိုပါအစည်းအဝေးတွင် ဗဟိုစာရင်းအင်းအဖွဲ့၊ ညွှန်ကြားရေးမှူးချုပ် ဦးထွန်းဇော်က သဘာပတိအဖြစ် ဆောင်ရွက်ခဲ့ပြီး အာဆီယံအဖွဲ့ဝင်နိုင်ငံများ၏ အပြည်ပြည် ဆိုင်ရာ ကုန်စည်ကုန်သွယ်မှုစာရင်းအင်း အရည်အသွေး ပိုမိုတိုးတက်စေရန်၊ အပြည်ပြည်ဆိုင်ရာ ကုန်စည်ကုန်သွယ်မှု စာရင်းအင်းအချက်အလက်များ ကောက်ယူစုစည်းခြင်း၊ ပြုစုခြင်း၊ ခွဲခြမ်းစိတ်ဖြာခြင်းနှင့် ထုတ်ပြန်ခြင်းတို့တွင် အချိန်နှင့်တစ်ပြေးညီဖြစ်စေရန်နှင့် ထိရောက် မှုရှိစေရန်၊ အာဆီယံစီးပွားရေးအသိုက်အ၀န်း (AEC) အစီအစဉ်- ၂၀၂၅ တွင် ဖော်ပြပါရှိသည့် အတိုင်း စီးပွားရေးပေါင်းစည်းမှုနှင့် ဖွံ့ဖြိုးတိုးတက်မှုကို အထောက်အကူပြုရန်အတွက် လိုအပ် သောသတင်းအချက်အလက်များကို ပိုမိုကောင်းမွန်စွာ ပံ့ပိုးကူညီပေးနိုင်ရန်တို့နှင့် ပတ်သက်၍ ဆွေးနွေးခဲ့ကြပါသည်။ အဆိုပါအစည်းအဝေးတွင် မြန်မာနိုင်ငံမှ ဗဟိုစာရင်းအင်းအဖွဲ့အပါအဝင် အာဆီယံစာရင်းအင်းဌာနနှင့် အာဆီယံအဖွဲ့ဝင်နိုင်ငံများမှ စာရင်းအင်းဌာနဆိုင်ရာ ကိုယ်စား လှယ်များ စုစုပေါင်း ၁၀၀ ကျော် တက်ရောက်ခဲ့ကြပါသည်။