မန္တလေးတက္ကသိုလ်၊ နိုင်ငံတကာဆက်ဆံရေးဌာနတွင်  စဉ်ဆက်မပြတ်ဖွံ့ဖြိုးမှု ပန်းတိုင်များ (Sustainable Development Goals-SDGs) နှင့်မြန်မာနိုင်ငံခေါင်းစဉ်ဖြင့်  ရှင်းလင်းဆွေးနွေးပွဲ အခမ်းအနားကို ၂၀၁၈ခုနှစ်၊ ဩဂုတ်လ (၁၄)ရက်နေ့၊ နေ့လည် (၁:၃၀)နာရီတွင် ကျင်းပခဲ့ရာ မန္တလေးတက္ကသိုလ်၊ ဒုတိယပါမောက္ခချုပ် ဒေါက်တာ တင်ထွန်းအောင်မှ အဖွင့်အမှာစကား ပြောကြားခဲ့ပါသည်။

          ဆက်လက်၍ ဗဟိုစာရင်းအင်းအဖွဲ့၊ ညွှန်ကြားရေးမှူးချုပ် ဒေါက်တာဝါဝါမောင်မှ  စဉ်ဆက်မပြတ်ဖွံ့ဖြိုးမှုပန်းတိုင်များနှင့် မြန်မာနိုင်ငံ (Sustainable Development Goals and Myanmar) ခေါင်းစဉ်ဖြင့် SDGs Goals(၁၇)ချက်အကြောင်း ရှင်းလင်းခြင်း၊ မြန်မာနိုင်ငံ၏ ရေရှည်တည်တံ့ခိုင်မြဲပြီး ဟန်ချက် ညီသော ဖွံ့ဖြိုးတိုးတက်မှု စီမံကိန်း(Myanmar Sustainable DevelopmentPlan-MSDP)နှင့် စပ်လျဉ်း၍ အကောင်အထည်ဖော် ဆောင်ရွက်နေမှုများအား ရှင်းလင်းဆွေးနွေးခဲ့ပြီး  တက်ရောက် လာသူများမှ သိလိုသည်များကို အပြန်အလှန် မေးမြန်းဆွေးနွေးခဲ့ကြပါသည်။   

          အဆိုပါ အခမ်းအနားသို့ မန္တလေးတက္ကသိုလ်၊ နိုင်ငံတကာဆက်ဆံရေးဌာနမှ IR (Hons) နှင့်  MBA တက်ရောက်နေသည့် ကျောင်းသား/သူများ တက်ရောက်ခဲ့ကြပါသည်။