ဗဟိုစာရင်းအင်းအဖွဲ့နှင့် ADB တို့ပူးပေါင်းဖွင့်လှစ်သည့် “ပထမအကြိမ် အလယ်အလတ်အဆင့် စာရင်းအင်းပညာအသုံးချမှု ဆင့်ပွားသင်တန်း” ဖွင့်ပွဲအခမ်းအနားကျင်းပခြင်း

, ,

စီမံကိန်းနှင့်ဘဏ္ဍာရေးဝန်ကြီးဌာန၊ဗဟိုစာရင်းအင်းအဖွဲ့နှင့် အာရှဖွံ့ဖြိုးရေးဘဏ် (ADB) တို့ပူးပေါင်းဖွင့်လှစ်ပို့ချသည့် ပထမအကြိမ် အလယ်အလတ်အဆင့် စာရင်းအင်းပညာအသုံးချမှု ဆင့်ပွားသင်တန်း” ဖွင့်ပွဲအခမ်းအနားကို စီမံကိန်းနှင့်ဘဏ္ဍာရေးဝန်ကြီးဌာန၊ ရုံးအမှတ်(၃၂)၊ အစည်းအဝေးခန်းမ၌ ၂၀၁၈ ခုနှစ် ဇူလိုင်လ (၂၀) ရက်နေ့၊ နံနက် (၁၀:၀၀) တွင် ကျင်းပပြုလုပ် ခဲ့ရာဗဟိုစာရင်းအင်းအဖွဲ့ ညွှန်ကြားရေးမှူးချုပ် ဒေါက်တာဝါဝါမောင်မှ အဖွင့်အမှာစကား ပြောကြားခဲ့ပါသည်။

အဆိုပါသင်တန်းသည် အလယ်အလတ်အဆင့်စာရင်းအင်းပညာအသုံးချမှုနှင့် ပတ်သက် ၍သင်ကြားပို့ချသွားမည်ဖြစ်ပြီး သင်တန်းတွင် စစ်တမ်းကောက်ယူသည့် နည်းလမ်းများ၊ အစီရင်ခံစာရေးသားနည်း၊ R Software အသုံးပြု၍ စာရင်းအင်းအချက်အလက်များ ကောက်ယူ စုစည်းခြင်းနှင့် ကောက်ချက်ချစာရင်းအင်းပညာရပ်များ သင်ကြားပို့ချသွားမည်ဖြစ်ပြီးဝန်ထမ်း များ၏ လုပ်ငန်းစွမ်းဆောင်ရည်မြှင့်တင်ပေးရန် ရည်ရွယ်၍ ဖွင့်လှစ်ခဲ့ခြင်းဖြစ်ပါသည်။ သင်တန်း ကာလမှာ  (၂၀.၇.၂၀၁၈) မှ (၃.၈.၂၀၁၈) ရက်နေ့အထိဖြစ်ပါသည်။ 

သင်တန်းသို့ ဗဟိုစာရင်းအင်းအဖွဲ့ရုံးချုပ်၊ ပြည်နယ်နှင့်တိုင်းဒေသကြီးများမှ ဝန်ထမ်း သင်တန်းသား(၂၅) ဦးအားတက်ရောက်ခဲ့ပါသည်။(သတင်းစဉ်)

နေပြည်တော်၊ ဇူလိုင်လ (၂၀) ရက်