ဗဟိုစာရင်းအင်းအဖွဲ့နှင့် OneMap Myanmar တို့ GIS နည်းပညာအထောက်အကူပေးမှုနှင့် ပတ်သက်၍ တွေ့ဆုံဆွေးနွေးခြင်း

,

၂၀၁၈ ခုနှစ်၊ ဇွန်လ (၁၈)ရက်နေ့

စီမံကိန်းနှင့်ဘဏ္ဍာရေးဝန်ကြီးဌာန၊ဗဟိုစာရင်းအင်းအဖွဲ့ညွှန်ကြားရေးမှူးချုပ်ဒေါက်တာဝါဝါမောင်နှင့်အဖွဲ့အားOneMap Myanmarမှ ဦးကျော်နိုင်ဝင်းနှင့် GIS Co.,Ltdမှ Mr.TanaratMityodwong(GIS BusinessConsultant)တို့သည်GIS for Official Stat- istics Software အထောက်အကူပေးမှုနှင့်ပတ်သက်၍ရုံးအမှတ်(၃၂)၊ဗဟိုစာရင်းအင်းအဖွဲ့အစည်းအဝေးခန်းမ၌ လာရောက်တွေ့ဆုံဆွေးနွေးခဲ့ပါသည်။ 

ဆွေးနွေးပွဲတွင် ဗဟိုစာရင်းအင်းအဖွဲ့ညွှန်ကြားရေးမှူးချုပ် ဒေါက်တာဝါဝါမောင်မှ Geospatial နည်းပညာသည် လွန်စွာအရေးကြီးပါကြောင်း၊ စာရင်းအင်းအချက်အလက်များထုတ်ပြန်ရာတွင် မြေပုံနှင့်တကွ မှတ်တမ်းတင်ထုတ်ပြန်နိုင်ခြင်း၊ အစီရင်ခံနိုင်ခြင်း၊ စီမံခန့်ခွဲမှုများပြုလုပ်နိုင်ခြင်းတို့ကြောင့်မိမိတို့ဗဟိုစာရင်းအင်းအဖွဲ့အတွက်အလွန်အသုံးဝင်ပါကြောင်း၊ မိမိတို့ဌာနအနေဖြင့် စာရင်းအင်းဆိုင်ရာအချက်အလက်များထုတ်ပြန်ရာတွင် GIS for Off- icial Statistics Softwareကိုပိုမိုတွင်ကျယ်စွာအသုံးပြုသွားမည်ဖြစ်ပါကြောင်း၊ ဗဟိုစာရင်းအင်းအဖွဲ့အနေဖြင့် စာရင်းအင်းဆိုင်ရာဖွံ့ဖြိုးတိုးတက်ရေးအမျိုးသားအဆင့်မဟာဗျူဟာ(National Strategy for Development of Statistics-NSDS) ရေးဆွဲအကောင်အထည်ဖော်ဆောင်ရွက်ရာတွင် အရေးကြီးသည့် နယ်ပယ်(၁၂)ရပ် သတ်မှတ်ထားရာ GIS နည်းပညာသည် နယ်ပယ်တစ်ခုအဖြစ် ပါဝင်ပါကြောင်းပြောကြားခဲ့ပါသည်။

ဆက်လက်၍ OneMap Myanmar မှ ဦးကျော်နိုင်ဝင်းမှ ပြောကြားရာတွင် မိမိတို့အနေဖြင့်ဗဟိုစာရင်းအင်းအဖွဲ့အပါအဝင် GIS for Official Statistics Softwareအားအမှန်တကယ်အကျိုးရှိစွာသုံးစွဲမည့် ဌာနများအားနည်းပညာပံ့ပိုးကူညီခွင့်ရသဖြင့် များစွာဝမ်းမြောက်မိပါကြောင်း၊ မိမိတို့အနေဖြင့် ဗဟိုစာရင်းအင်းအဖွဲ့သို့ User Account အခု (၅၀) အတွက် (၄)နှစ်စာGIS for Official Statistics Softwareလိုင်စင်များနှင့် နည်းပညာအကူအညီများပေးသွားမည်ဖြစ်ပါကြောင်း၊ GIS for Official Statistics Software Update များထပ်မံထွက်ရှိလာပါကလည်းသင်တန်းများထပ်မံပို့ချပေးသွားမည် ဖြစ်ပါကြောင်း၊နည်းပညာမြင့်မားလာသည်နှင့်အညီ Data Analysis ပြုလုပ်ရာတွင် အချိန်တိုအတွင်းပြုလုပ်နိုင်ပြီး Human Error (၀%)နီးပါးထိလျှော့ချနိုင်မည်ဖြစ်ပါကြောင်းဆွေးနွေးပြောကြားခဲ့ပါသည်။

ထို့နောက် GIS Co.,Ltdမှ Mr.TanaratMityodwong(GIS BusinessConsul- tant) မှ  GIS For Official Statistics အကြောင်းPowerpointဖြင့် ရှင်းလင်းပြသဆွေးနွေးခဲ့ပါသည်။

(သတင်းစဉ်)