အလယ်အလတ်အဆင့် စာရင်းအင်းပညာအသုံးချမှု ဆရာဖြစ် သင်တန်း အမှတ်စဉ် (၁) သင်တန်းဖွင့်ပွဲ

, ,

အာရှဖွံ့ဖြိုးရေးဘဏ် (ADB)၏ နည်းပညာအကူအညီဖြင့်  ဗဟိုစာရင်းအင်းအဖွဲ့မှ ဖွင့်လှစ် ပို့ချသည့် အလယ်အလတ်အဆင့် စာရင်းအင်းပညာအသုံးချမှု ဆရာဖြစ်သင်တန်း အမှတ်စဉ်(၁) သင်တန်းဖွင့်ပွဲကို စီမံကိန်းနှင့်ဘဏ္ဍာရေး ဝန်ကြီးဌာန၊ ရုံးအမှတ်(၃၂)၊ သင်တန်းခန်းမ၌  ၂၀၁၈ခုနှစ် မေလ(၁၄)ရက်နေ့၊ နံနက် (၁၀:၀၀) နာရီ အချိန်တွင် ကျင်းပ ခဲ့ပါသည်။

သင်တန်းတွင် စစ်တမ်းကောက်ယူသည့် နည်းလမ်းများ၊ အစီရင်ခံစာရေးသားနည်းများ၊ R Software  ကို အသုံးပြု၍ စာရင်းအင်းအချက်အလက်များကို လေ့လာဆန်းစစ်ခြင်းများနှင့် ပတ်သက်၍ သင်ကြားပို့ချမည်ဖြစ်ပါသည်။ အဆိုပါသင်တန်းပြီးဆုံးပါက သင်တန်းသားများ အနေဖြင့်  သက်ဆိုင်ရာဌာနများရှိ စာရင်းအင်းယူနစ်များမှ ဝန်ထမ်းများအား ဆင့်ပွား သင်တန်းများ ပြန်လည်သင်ကြားပေးနိုင်ရန်ဖြစ်ပြီး အရည်အသွေးပြည့်ဝသည့် စာရင်းအင်း ပညာရှင်များ မွေးထုတ်​ပေးနိုင်ရန် ရည်ရွယ်၍ ဖွင့်လှစ်ခဲ့ခြင်းဖြစ်ပါသည်။ သင်တန်းသို့ သင်တန်းသား/သူ(၂၀)ဦး တက်ရောက်ခဲ့ကြပါသည်။

 

(သတင်းစဉ်)

နေပြည်တော်၊ မေလ (၁၄) ရက်