(၆) ကြိမ်မြောက် အပြည်ပြည်ဆိုင်ရာကုန်စည်ကုန်သွယ်မှု စာရင်းအင်းဆိုင်ရာလုပ်ငန်း ကော်မတီ Virtual အစည်းအဝေးကို ၂၀၂၀ ပြည့်နှစ်၊ ဇူလိုင်လ (၁၆) ရက်နေ့ နံနက် (၈:၃၀) နာရီတွင် Google Meet Application အသုံးပြု၍ အာဆီယံစာရင်းအင်းဌာန၏ ပံ့ပိုးကူညီမှုဖြင့် ကျင်းပပြုလုပ်ခဲ့ပါသည်။ အဆိုပါအစည်းအဝေးတွင် ဗဟိုစာရင်းအင်းအဖွဲ့၊ ညွှန်ကြားရေးမှူးချုပ် ဦးဆန်းမြင့်က သဘာပတိအဖြစ် ဆောင်ရွက်ခဲ့ပြီး အာဆီယံအဖွဲ့ဝင်နိုင်ငံများ၏ အပြည်ပြည်ဆိုင်ရာ ကုန်စည်ကုန်သွယ်မှု စာရင်းအင်းအရည်အသွေး ပိုမိုတိုးတက်စေရန် အပြည်ပြည်ဆိုင်ရာကုန်စည်ကုန်သွယ်မှု စာရင်းအင်းအချက်အလက်များ ကောက်ယူစုစည်းခြင်း၊ ပြုစုခြင်း၊ ခွဲခြမ်းစိတ်ဖြာခြင်းနှင့် ထုတ်ပြန်ခြင်းတို့တွင် တွေ့ရှိရသည့် အခက်အခဲများအပေါ် အခြေခံ၍ ဆွေးနွေးခဲ့ကြပါသည်။ အဆိုပါအစည်းအဝေးတွင် မြန်မာနိုင်ငံမှ ဗဟိုစာရင်းအင်းအဖွဲ့အပါအဝင် အာဆီယံစာရင်းအင်းဌာနနှင့် အာဆီယံအဖွဲ့ဝင်နိုင်ငံများမှ စာရင်းအင်းဆိုင်ရာဌာနအသီးသီးမှ ကိုယ်စားလှယ်များ စုစုပေါင်း (၆၄) ဦးခန့် တက်ရောက်ခဲ့ကြပါသည်။