ဧရာဝတီတိုင်းဒေသကြီး၊ ပုသိမ်မြို့တွင် စဉ်ဆက်မပြတ်ဖွံ့ဖြိုးမှုပန်းတိုင်များ (Sustainable Development Goals - SDGs) ဆိုင်ရာ အသိပညာပေး ဆွေးနွေးပွဲ၊ စာရင်းအင်းအချက် အလက်များ မှန်ကန်ရေးနှင့် အရည်အသွေးပြည့်ဝရေးကော်မတီ၏ (၁/၂၀၁၈) အစည်းအဝေးနှင့် ပညာရေးစာရင်းအင်းဆို

, , ,


စဉ်ဆက်မပြတ်ဖွံ့ဖြိုးမှုပန်းတိုင်များ (Sustainable Development Goals - SDGs) ဆိုင်ရာ အသိ ပညာပေးဆွေးနွေးပွဲ၊ စာရင်းအင်းအချက်အလက်များ မှန်ကန်ရေးနှင့် အရည်အသွေးပြည့်ဝရေး ကော်မတီ၏ (၁/၂၀၁၈) အစည်းအဝေးနှင့် ပညာရေးစာရင်းအင်းဆိုင်ရာဆွေးနွေးပွဲကို ဧရာဝတီ တိုင်းဒေသကြီး၊ ပုသိမ်မြို့ရှိ ဧရာရွှေဝါခန်းမ၌ ဇန်နဝါရီလ (၁၉) ရက်နေ့ နံနက်ပိုင်းတွင်ကျင်းပရာ စီမံကိန်းနှင့်ဘဏ္ဍာရေးဝန်ကြီး ဦးဌေးဝင်းမှ အဖွင့်အမှာစကား ပြောကြားခဲ့ပါသည်။ ထို့နောက် ဗဟိုစာရင်းအင်းအဖွဲ့၊ ညွှန်ကြားရေးမှူးချုပ် ဒေါက်တာဝါဝါမောင်မှ စဉ်ဆက်မပြတ်ဖွံ့ဖြိုးမှုပန်းတိုင် များ (Sustainable Development Goals - SDGs) နှင့်ပတ်သက်၍ ဆွေးနွေးတင်ပြခဲ့ရာ တက်ရောက်လာကြသော ဌာနဆိုင်ရာများနှင့် အရပ်ဘက်အဖွဲ့အစည်းအသီးသီးမှ သိရှိလိုသည် များကို မေးမြန်းကြရာ ညွှန်ကြားရေးမှူးချုပ် ဒေါက်တာဝါဝါမောင်မှ ပြန်လည် ဆွေးနွေးခဲ့ပါသည်။
မွန်းလွဲပိုင်းတွင် ပညာရေးစာရင်းအင်းဆိုင်ရာ ဆွေးနွေးပွဲကိုကျင်းပရာ ဗဟိုစာရင်းအင်းအဖွဲ့၊ ညွှန်ကြားရေးမှူးချုပ် ဒေါက်တာဝါဝါမောင်မှ ဧရာဝတီတိုင်းဒေသကြီးအတွင်းရှိ မြို့နယ်ပညာရေး မှူးများအား မြို့နယ်ပညာရေးဆိုင်ရာ အခြေခံစာရင်းအင်းများ မှန်ကန်စေရန် လမ်းညွှန်ချက်များကို ရှင်းလင်းတင်ပြခဲ့ပြီး ဧရာဝတီတိုင်းဒေသကြီး၊ တိုင်းပညာရေးမှူးရုံး ဒုတိယညွှန်ကြားရေးမှူး ဒေါ်အေးအေးဝင်းမှ နှုက်ခွန်းဆက်စကား ပြောကြားခဲ့ပါသည်။ ထို့နောက် ဦးစီးအရာရှိ ဒေါ်ခိုင်လွင်ဦးမှ ပညာရေးအခြေခံအချက်အလက်များနှင့် လိုအပ်ချက်များအကဲဖြတ်ခြင်း စစ်တမ်း မေးခွန်းလွှာကို ရှင်းလင်းတင်ပြပါသည်။
ထို့နောက် တိုင်းဒေသကြီးအတွင်းရှိ  မြို့နယ်ပညာရေးမှူးများမှ သိရှိလိုသည်များကို မေးမြန်းကြရာ ဗဟိုစာရင်းအင်းအဖွဲ့၊ ညွှန်ကြားရေးမှူးချုပ် ဒေါက်တာဝါဝါမောင်မှ ပြန်လည် ရှင်းလင်းဆွေးနွေး ခဲ့ပြီး ဆွေးနွေးပွဲကို ညနေ (၁၇:၀၀) နာရီတွင် ရုပ်သိမ်းခဲ့ပါသည်။