ပြည်ထောင်စုဝန်ကြီးဉီးစိုးဝင်း စင်ကာပူနိုင်ငံ၊ ဝန်ကြီးချုပ်ရုံး ဝန်ကြီး၊ ပညာရေးနှင့် ဘဏ္ဍာရေး ဒုတိယမြောက်ဝန်ကြီး Ms. Indranee Rajah အား Video Conferencing ဖြင့် လက်ခံတွေ့ဆုံ

စီမံကိန်း၊ဘဏ္ဍာရေးနှင့် စက်မှုဝန်ကြီးဌာန၊ ပြည်ထောင်စုဝန်ကြီး ဦးစိုးဝင်းသည် ၂၇-၅-၂၀၂၀ ရက်နေ့၊ နံနက် (၀၉:၃၀) နာရီတွင် စင်ကာပူနိုင်ငံ၊ ဝန်ကြီးချုပ်ရုံး ဝန်ကြီး၊ ပညာရေးနှင့် ဘဏ္ဍာရေး ဒုတိယမြောက်ဝန်ကြီး Ms. Indranee Rajah အား နေပြည်တော်၊ ရုံးအမှတ် ၂၆ ရှိ ပြည်ထောင်စုဝန်ကြီးရုံး၊ အစည်းအဝေးခန်းမ၌ Video Conferencing ဖြင့် လက်ခံတွေ့ဆုံ ခဲ့ပါသည်။

ယင်းသို့တွေ့ဆုံရာတွင် နှစ်နိုင်ငံ စီးပွားရေးပူးပေါင်းဆောင်ရွက်မှုဆိုင်ရာ ကိစ္စရပ်များ၊ COVID-19 ကာလ စီးပွားရေးဆိုင်ရာဆောင်ရွက်မှုများ၊ မြန်မာနိုင်ငံမှ စိုက်ပျိုးရေးပို့ကုန်များ စင်ကာပူသို့ တင်ပို့နိုင်ရေး၊ အရည်အသွေးပြည့်ဝသည့် အခြေခံအဆောက်အအုံဖွံ့ဖြိုးရေးဆိုင်ရာ ကိစ္စရပ်များ၊ စင်ကာပူနိုင်ငံမှ မြန်မာနိုင်ငံသို့ ပံ့ပိုးကူညီပေးမည့် စွမ်းဆောင်ရည်မြှင့်တင်ရေး ဆိုင်ရာကိစ္စရပ်များအား ဆွေးနွေးခဲ့ပါသည်။

ယင်းဆွေးနွေးပွဲသို့ စီမံကိန်း၊ဘဏ္ဍာရေးနှင့်စက်မှုဝန်ကြီးဌာနမှ ဒုတိယဝန်ကြီးများ ဖြစ်ကြ သော ဉီးဆက်အောင်နှင့် ဒေါက်တာ မင်းရဲပိုင်ဟိန်း၊ အမြဲတမ်းအတွင်းဝန်များနှင့် ဌာနဆိုင်ရာ အကြီးအကဲများ တက်ရောက်ခဲ့ကြကြောင်း သတင်းရရှိသည်။

သတင်းစဉ်