Face to Face Training on Vital Statistics Analysis and Report Writing သင်တန်း ဖွင့်လှစ် သင်ကြားပို့ချခြင်း

, ,

မြန်မာနိုင်ငံ၏ ဖွားသေစာရင်းအင်း မှတ်ပုံတင်ခြင်းစနစ် ပိုမိုတိုးတက်စေရန်နှင့် ဝန်ထမ်းများ၏ စွမ်းဆောင်ရည်မြင့်မား လာစေရန် ရည်ရွယ်၍ World Bank Group မှ နည်းပညာပံ့ပိုးမှုဖြင့် Face to Face Training on Vital Statistics Analysis and Report Writing သင်တန်းဖွင့်ပွဲ အခမ်းအနားကို ၂၀၁ရခုနှစ်၊ အောက်တိုဘာလ ၂၃ ရက် နေ့တွင် ရုံးအမှတ်(၃၂)၊ ဗဟိုစာရင်းအင်းအဖွဲ့ အစည်းအဝေးခန်းမ၊ နေပြည်တော်၌ ကျင်းပပြုလုပ်ခဲ့ရာ စီမံကိန်းနှင့်ဘဏ္ဍာရေးဝန်ကြီးဌာန၊ ဗဟိုစာရင်းအင်းအဖွဲ့  ညွှန်ကြားရေးမှူးချုပ် ဒေါက်တာဝါ၀ါမောင် နှင့် Dr. Samuel Lantei Mills (Senior Health Specialist) World Bank Group တို့မှ အဖွင့်အမှာစကား ပြောကြားခဲ့ပါသည််။  
အဆိုပါသင်တန်းကို အောက်တိုဘာလ ၂၃ ရက်နေ့မှ နိုဝင်ဘာလ ၂ ရက်နေ့ အထိ ဗဟိုစာရင်းအင်းအဖွဲ့ သင်တန်းခန်းမတွင် ဖွင့်လှစ်ပို့ချမည်ဖြစ်ပြီး သင်တန်းတွင် လက်တွေ့နယ်ပယ်မှ ရရှိလာသော စာရင်းအင်းအချက်အလက်များကို ဆန်းစစ် တွက်ချက်မှုမှတဆင့် မူဝါဒများရေးဆွဲနိုင်ရန်၊ မြန်မာနိုင်ငံအတွက် အရည်အသွေး ပြည့်ဝသော မွေးဖွားမှုနှင့် သေဆုံးမှုဆိုင်ရာ အစီအရင်ခံစာ ထုတ်ပြန်နိုင်ရန်နှင့် လက်တွေ့သင်ကြား လေ့ကျင့်မှုများကို  တိုင်းဒေသကြီးနှင့် ပြည်နယ်အထိ ဆင့်ပွား သင်တန်းများ ပေးသွားနိုင်ရန် ရည်ရွယ်၍ ဖွင့်လှစ်ခြင်းဖြစ်ပါသည်။ ထို့အပြင် Civil Registration and Vital Statistics Systems-Advanced Level (Facilitated)         e-Learning Course အား အရှေ့တောင်အာရှ နိုင်ငံများထဲတွင် မြန်မာနိုင်ငံ ဗဟိုစာရင်းအင်းအဖွဲ့မှ ၂၂ ဦး အထိတက်ရောက်ခဲ့သည့် အတွက် ချီးကျူးဂုဏ်ပြုသော အားဖြင့် World Bank Group မှ ဗဟိုစာရင်းအင်းအဖွဲ့ကို ဂုဏ်ပြုမှတ်တမ်းလွှာ ပေးအပ်ခဲ့ပါသည်။
သင်တန်းဖွင့်လှစ် သင်ကြားပို့ချရခြင်းအားဖြင့် မြန်မာနိုင်ငံ၏ မွေးဖွားမှုနှင့် သေဆုံးမှုဆိုင်ရာ မှတ်ပုံတင်ခြင်းလုပ်ငန်းများ ဆောင်ရွက်ရာတွင် အထောက်အကူ ပြုစေမှာဖြစ်ပြီး ဖွားသေစာရင်းအင်းစနစ် ပိုမိုထိရောက်ကောင်းမွန်လာမည် ဖြစ်ပါသည်။