GIZ အဖွဲ့နှင့် မြန်မာနိုင်ငံအမျိုးသားစာရင်းအင်းစနစ်တွင် အကောင်အထည်ဖော်ဆောင်ရွက်နေသည့် Cluster အတွင်းရေးမှူးများဖြင့် တွေ့ဆုံဆွေးနွေးသည့် အခမ်းအနားကျင်းပ

,

နေပြည်တော် ဇွန်လ ၆ ရက်

စာရင်းအင်းဆိုင်ရာဖွံ့ဖြိုးမှုအမျိုးသားအဆင့်မဟာဗျူဟာ (National Strategy For Development of Statistics-NSDS) အောက်ရှိလုပ်ငန်းအုပ်စုများ၏ လုပ်ငန်းဆောင်ရွက်မှု များပိုမိုတိုးတက်ကောင်းမွန်လာစေရန်၊ လိုအပ်ချက်များပံ့ပိုးကူညီပေးနိုင်ရန်နှင့် Cluster များအတွင်းရှိသက်ဆိုင်ရာဌာနများ အချင်းချင်းပူးပေါင်းဆောင်ရွက်မှု ပိုမိုမြင့်မားလာစေရန် အတွက် မြန်မာနိုင်ငံအမျိုးသားစာရင်းအင်းစနစ်တွင် အကောင်အထည်ဖော်ဆောင်ရွက်နေသည့် Cluster အတွင်းရေးမှူးများနှင့် GIZ အဖွဲ့တို့ တွေ့ဆုံဆွေးနွေးသည့် အခမ်းအနားကို ၂၀၁၈ ခုနှစ် ဇွန်လ ၆ ရက်နေ့မွန်းလွဲ (၁း၃၀) နာရီတွင် နေပြည်တော်၊ ရုံးအမှတ်(၃၂)၊ ဗဟိုစာရင်းအင်းအဖွဲ့၊ အစည်းအဝေးခန်းမ၌ ဗဟိုစာရင်းအင်းအဖွဲ့၊ ညွှန်ကြားရေးမှူးချုပ် ဒေါက်တာဝါဝါမောင်မှ ဦးဆောင်၍ ကျင်းပခဲ့ရာ NSDS Cluster များမှ ကိုယ်စားလှယ်များနှင့် GIZ မှလုပ်ငန်းအဖွဲ့ဝင်များတက်ရောက်ဆွေးနွေးခဲ့ကြပါသည်။

          အဆိုပါဆွေးနွေးပွဲတွင် ဗဟိုစာရင်းအင်းအဖွဲ့၊ ညွှန်ကြားရေးမှူးချုပ် ဒေါက်တာ ဝါဝါမောင်မှ အဖွင့်အမှာစကားပြောကြားပြီးနောက် ကျင်းပပြုလုပ်ရသည့် ရည်ရွယ်ချက်အား ရှင်းလင်းပြောကြားရာတွင် အမျိုးသားစာရင်းအင်းစနစ် ပိုမိုတိုးတက်စေရေးအတွက် စာရင်း အင်းဆိုင်ရာဖွံ့ဖြိုးမှုအမျိုးသားအဆင့်မဟာဗျူဟာ (NSDS) ကို အကောင်ထည်ဖော်ဆောင်ရွက် ရာတွင် ရုံးချုပ်များသာမက ပြည်နယ်နှင့် တိုင်းဒေသကြီးများမှလည်းပူးပေါင်းဆောင်ရွက်ကြရန် လိုအပ်ပါကြောင်း၊ ပူးပေါင်းဆောင်ရွက်မှုများမြင့်မားလာစေရန်နှင့် နည်းပညာများ မြှင့်တင် နိုင်စေရန် လိုအပ်သည်များကို GIZ အဖွဲ့မှ ပံ့ပိုးမည်ဖြစ်ရာ ထိရောက်သောပံ့ပိုးကူညီမှုဖြစ်စေရန် ယနေ့ ဆွေးနွေးပွဲတွင် ပွင့်လင်းစွာဆွေးနွေးစေလိုပါကြောင်းပြောကြားခဲ့ပါသည်။ ဆက်လက်၍ GIZ အဖွဲ့မှ Head of Project ဖြစ်သူMs. Jasmin Freischladမှ ပူးပေါင်းဆောင်ရွက်ရသည့် အကြောင်းနှင့် GIZ ၏ လုပ်ငန်းဆောင်ရွက်မှုအခြေအနေများအားရှင်းလင်းတင်ပြပါသည်။

          ထို့နောက် စာရင်းအင်းဆိုင်ရာဖွံ့ဖြိုးမှုအမျိုးသားအဆင့်မဟာဗျူဟာ (National Strategy for Development of Statistics-NSDS) အောက်ရှိလုပ်ငန်းအဖွဲ့ (၁၀) ဖွဲ့မှ ကိုယ်စားလှယ်များမှ အုပ်စုတစ်ခုချင်းအနေဖြင့် ကိုယ်စားပြုဆွေးနွေးခြင်း၊ အမျိုးသားစာရင်း အင်းစနစ်တစ်ခုလုံးအတွက် Cluster တစ်ခုချင်းစီအလိုက် လုပ်ငန်းဆောင်ရွက်မှုများ ပိုမိုတိုးတက်လာစေရေး၊ ပူးပေါင်းဆောင်ရွက်မှုများ မြင့်မားလာစေရေး၊ လိုအပ်ချက်များနှင့် အခက်အခဲများကို စိတ်ပါဝင်စားစွာ ဝိုင်းဝန်းဆွေးနွေးတင်ပြခဲ့ကြပြီး      ဗဟိုစာရင်းအင်းအဖွဲ့ ညွှန်ကြားရေးမှူးချုပ်မှ ဆွေးနွေးတင်ပြချက်များအပေါ် ပြန်လည်ဆွေးနွေးအကြံပြုကာ

ညနေ (၅း၃၀) နာရီတွင် ဆွေးနွေးပွဲအားရုတ်သိမ်းခဲ့ပါသည်။