_0.png)
စီမံကိန်းနှင့် ဘဏ္ဍာရေးဝန်ကြီးဌာနရှိ ပြည်ပတွင် ပညာသင်ကြား၍ ပြန်လည် ရောက်ရှိလာသည့် ဝန်ထမ်းများအနေဖြင့် သင်တန်းတက်ရောက်ခဲ့သည့် အတွေ့အကြုံ များအား ရှင်းလင်းဆွေးနွေးနိုင်ရန်အတွက် အသိပညာဖလှယ်ရေး(Knowledge Sharing) ဆွေးနွေးပွဲကို ယနေ့ နံနက် (၀၈၃၀) နာရီတွင် နေပြည်တော်ရှိ ပြည်သူ့ဘဏ္ဍာရေး စီမံခန့်ခွဲမှု သင်တန်းကျောင်း၌ ကျင်းပခဲ့သည်။ ဆွေးနွေးပွဲသို့ ဒုတိယဝန်ကြီး ဒေါ်သန်းသန်းလင်း၊ ညွှန်ကြားရေးမှူးချုပ်များ၊ ဦးဆောင်ညွှန်ကြားရေးမှူးများ၊ ဒုတိယအမြဲတမ်းအတွင်းဝန်နှင့် ဝန်ကြီးဌာနရှိ ဦးစီးဌာန/ အဖွဲ့အစည်းများမှ ဝန်ထမ်းများ စုစုပေါင်း(၄၈)ဦး တက်ရောက်ခဲ့ကြပြီး ပြည်ထောင်စု ဝန်ကြီးရုံး(စီမံကိန်း)မှ ဦးစီးအရာရှိ ဦးမျိုးသိန်းက တရုတ်ပြည်သူ့သမ္မတနိုင်ငံ၊ Xian မြို့ ၊ Northwestern Polytechnical University တွင် တက်ရောက်ခဲ့သည့် Master of Business Administration နှင့် စပ်လျဉ်း၍ တင်ပြဆွေးနွေးရာ တက်ရောက်လာသူများမှ သိရှိလိုသည်များ မေးမြန်းခဲ့ကြသည်။ အဆိုပါ အသိပညာဖလှယ်ရေး(Knowledge Sharing) ဆွေးနွေးပွဲကို အပတ်စဉ် ကျင်းပသွားမည်ဖြစ်ပါသည်။ သတင်းစဉ်
