_0.png)
, 
ဗဟိုစာရင်းအင်းအဖွဲ့နှင့် စစ်ကိုင်းတိုင်းဒေသကြီးအစိုးအရအဖွဲ့တို့ ပူးပေါင်း၍ စဉ်ဆက်မပြတ်ဖွံ့ဖြိုးမှုပန်းတိုင်များ (Sustainable Development Goals - SDGs) ဆိုင်ရာ အသိပညာပေးဆွေးနွေးပွဲ အခမ်းအနားကို ၂၀၁၇ ခုနှစ် ဒီဇင်ဘာလ (၂၆) ရက် ၊ နံနက် (၉း၃၀) နာရီတွင် စစ်ကိုင်းတိုင်းဒေသကြီး၊ မုံရွာမြို့၊ မြို့တော်ခန်းမတွင် ကျင်းပခဲ့ပါသည်။
ဆွေးနွေးပွဲ ကျင်းပရခြင်း၏ ရည်ရွယ်ချက်မှာ ဌာနဆိုင်ရာများသာမက ပုဂ္ဂလိကနှင့် အရပ်ဖက်အဖွဲ့အစည်း အသီးသီးမှလည်း SDGs နှင့်ပတ်သက်၍ သိရှိနိုင်ရန်နှင့် နိုင်ငံ၏လက်ရှိ ဆောင်ရွက်ထားမှု များကို သိရှိပါဝင်ဆောင်ရွက်နိုင်ရန် ရည်ရွယ်၍ကျင်းပခဲ့ခြင်း ဖြစ်ပါသည်။ အဆိုပါ အခမ်း အနားတွင် စစ်ကိုင်းတိုင်းဒေသကြီး၊ စီမံကိန်းနှင့်ဘဏ္ဍာရေးဝန်ကြီး ဦးစိုးဦးမှ အဖွင့်အမှာစကား ပြောကြားရာတွင် “စဉ်ဆက်မပြတ် ဖွံ့ဖြိုးတိုးတက်မှု ပန်းတိုင်များ” (Sustainable Development Goals-SDGs) နှင့်ပတ်သက်ပြီး ကျွန်တော်တို့ တိုင်းဒေသကြီးအနေနဲ့ ယခုအကြိမ်ဟာ ဒုတိယအကြိမ်မြောက် ဆွေးနွေးခြင်းဖြစ်ပါကြောင်း၊ ဇူလိုင်လ (၂) ရက်နေ့တုန်း ကတော့ ဌာနဆိုင်ရာများအနေနဲ့ SDGs နှင့်ပတ်သက်ပြီး Awareness ရရှိစေရန် အတွက် SDGs Goals (၁၇) ချက်ကို ဗဟိုစာရင်းအင်းအဖွဲ့ ညွှန်ကြားရေးမှူးချုပ် ဒေါက်တာဝါဝါမောင် မှ ပထမအကြိမ်လာရောက်ဆွေးနွေးခဲ့ပြီး ဖြစ်ပါကြောင်း၊ ယနေ့မှာတော့ ဌာနဆိုင်ရာများသာမ က ပြည်သူလူထုအတွင်းပါ SDGs နှင့်ပတ်သက်ပြီး ပိုမို၍ Awareness ရရှိစေရန် အရပ်ဘက် အဖွဲ့အစည်း အသီးသီးကိုပါ ဖိတ်ကြားခဲ့ပြီး ဒေါက်တာဝါဝါမောင်မှ ဒုတိယအကြိမ် လာရောက် ဆွေးနွေးခြင်းဖြစ်ပါကြောင်း၊ SDGs နှင့်ပတ်သက်ပြီး သိတဲ့သူရှိသလို မသိတဲ့လူများလည်း ရှိမှာ ပကြောင်း၊ ကုလသမဂ္ဂအနေနဲ့ ထောင်စုနှစ်ရည်မှန်းချက် ပန်းတိုင် (Millennium Development Goals – MDGs) ကို ၂၀၀၀ ခုနှစ်မှ ၂၀၁၅ ခုနှစ်အထိ ချမှတ်ခဲ့ပြီး ပန်းတိုင် (၈) ရပ်ဖြင့် အကောင်အထည်ဖော်ခဲ့ပြီး ဆက်လက်၍ ကုလသမဂ္ဂအနေဖြင့် စဉ်ဆက်မပြတ် ဖွံ့ဖြိုးမှုပန်းတိုင်များ အစီအစဉ် SDGs ကို အကောင်အထည်ဖော်ရန် ၂၀၁၆ ခုနှစ် ဇန်နဝါရီလ (၁) ရက် နေ့တွင် စတင်သက်ရောက်ခဲ့ပါကြောင်း ၊ SDGs ကတော့ ၂၀၁၆ ခုနှစ် ကနေ ၂၀၃၀ ခုနှစ် အထိ ဆောင်ရွက်သွားမှာ ဖြစ်ပြီး ပန်းတိုင် (၁၇) ချက် ၊ ညွှန်ကိန်းအနေနဲ့က လည်း (၂၃၂) ခု ချမှတ်ပြီး ဆောင်ရွက်မှာ ဖြစ်ပါကြောင်း၊ မြန်မာနိုင်ငံအနေနဲ့ MDGs တုန်းက အကောင် အထည်ဖော်ဆောင်နိုင်မှု အားနည်းခဲ့သော်လည်း ယခု ၂၀၃၀ ပြည့်နှစ် ဖွံ့ဖြိုးမှု ပန်းတိုင်များအား ထိရောက်စွာအကောင်အထည်ဖော် အောင်မြင်စေရေးအတွက် ရည်မှန်းချက် (၁၇) ချက်နဲ့ ပတ်သက်၍ ပိုမိုသိရှိစေရန် ရည်ရွယ်ပြီး ဆွေးနွေးပွဲကို ဆောင်ရွက်ခြင်းဖြစ်ပါ ကြောင်း၊ SDGs ပန်းတိုင် (၁၇) ချက်နဲ့ ပတ်သက်ပြီး ယခုလက်ရှိအခြေအနေမှာ မြန်မာနိုင်ငံအနေဖြင့် SDGs အကောင်အထည်ဖော်ဆောင်နိုင်ရန် ကြိုးစားမှုဟာ အတော်လေးကို ထိရောက်အောင် ဆောင်ရွက်နိုင်ခဲ့ပြီး SDGs နှင့်ပတ်သက်သည့် အချက်အလက်များကို ဒေါက်တာဝါဝါမောင်မှ အသေးစိတ်ဆွေးနွေးမှာ ဖြစ်ပါကြောင်း ပြောကြားခဲ့ပါသည်။ ထို့နောက် ဗဟိုစာရင်းအင်းအဖွဲ့ ညွှန်ကြားရေးမှူးချုပ် ဒေါက်တာဝါဝါမောင်မှ စဉ်ဆက်မပြတ်ဖွံ့ဖြိုးမှု ပန်းတိုင်များနှင့်စပ်လျဉ်း၍ ဆွေးနွေးပြောကြားခဲ့ပြီး အခမ်းအနား တက်ရောက်သူများမှ သိရှိလိုသည်များအား ပြန်လည် ဆွေးနွေးခဲ့ကြပါသည်။ အဆိုပါ ဆွေးနွေးပွဲတွင် စဉ်ဆက်မပြတ်ဖွံ့ဖြိုးမှုပန်းတိုင်များနှင့် စပ်လျဉ်း သည့် စာအုပ်များနှင့် လက်ကမ်းစာစောင်များ ဖြန့်ဝေပေးခဲ့ပြီး ဌာနဆိုင်ရာမှဝန်ထမ်းများ၊ ပုဂ္ဂလိကနှင့် အရပ်ဖက်လူမှုအဖွဲ့အစည်းများ အပါအဝင် စုစုပေါင်း (၁၅၀) ဦးခန့် တက်ရောက်ခဲ့ကြောင်း သတင်းရရှိပါသည်။ အခမ်းအနားကို နေ့လယ် (၁၂:၃၀) အချိန်တွင် ရုပ်သိမ်းခဲ့ပါသည်။