ပြည်ထောင်စုနှင့် တိုင်းဒေသကြီး / ပြည်နယ်များအကြား ဘဏ္ဍာငွေလွှဲပြောင်းပေးအပ်ခြင်းအတွက် အထောက်အကူဖြစ်စေရေးနှင့် စပ်လျဉ်း၍ တွေ့ဆုံဆွေးနွေးခြင်း

၂၀၁၆ ခုနှစ်၊ ဒီဇင်ဘာလ ၇ ရက်နေ့နှင့် ၈ ရက်နေ့တို့တွင် နေပြည်တော်၊ Hotel Max ၌ Asia Foundation နှင့် စီမံကိန်းနှင့်ဘဏ္ဍာရေးဝန်ကြီးဌာနတို့ပူးပေါင်း၍ ပြည်ထောင်စု အစိုးရနှင့်တိုင်းဒေသကြီး/ ပြည်နယ်အစိုးရများအကြား ဘဏ္ဍာငွေလွှဲပြောင်းပေးအပ်ခြင်း အတွက် အထောက်အကူဖြစ်စေရေး၊ တိုင်းဒေသကြီး/ပြည်နယ်များအား ပြည်ထောင်စု ဘဏ္ဍာရန်ပုံငွေမှ ဘဏ္ဍာငွေများဖြည့်ဆည်းပေးခြင်း၊ အထူးကိစ္စရပ်အနေဖြင့် ထောက်ပံ့ခြင်း၊ လိုအပ်သည့် ချေးငွေများ ထုတ်ချေးခြင်းဆိုင်ရာ ကိစ္စရပ်များနှင့်စပ်လျဉ်းသည့် အလုပ်ရုံဆွေးနွေးပွဲ တစ်ရပ်အား ကျင်းပခဲ့ပြီး အဆိုပါ အလုပ်ရုံဆွေးနွေးပွဲသို့ Asia Foundation မှ ဌာနေ ကိုယ်စားလှယ် Dr. Kim N.B. Ninh နှင့် Mr. Roger Shotton ဦးဆောင်သောအဖွဲ့နှင့် တိုင်းဒေသကြီး/ပြည်နယ် ဘဏ္ဍာရေးဝန်ကြီးများ၊ ရသုံးမှန်းခြေငွေစာရင်းဦးစီးဌာနမှ ညွှန်ကြားရေးမှူးချုပ် ဒေါ်နွဲ့နွဲ့ဝင်း ဦးဆောင်၍ ရသုံးမှန်းခြေ ငွေစာရင်းဦးစီးဌာန (ရုံးချုပ်၊ တိုင်းဒေသကြီး/ပြည်နယ်)၊ စီမံကိန်းရေးဆွဲရေးဦးစီးဌာန၊ ငွေတိုက် ဦးစီးဌာန၊ ပြည်တွင်းအခွန်များဦးစီးဌာနတို့မှ ညွှန်ကြားရေးမှူးများနှင့် သက်ဆိုင်ရာ တာဝန်ရှိ ပုဂ္ဂိုလ်များတက်ရောက် ဆွေးနွေးခဲ့ကြပါသည်။