မြန်မာ့အာမခံလုပ်ငန်းအနေဖြင့် အာမခံအမျိုးအစားပေါင်း (၄၀) မျိုးအား ဆောင်ရွက်ပေးလျက် ရှိပါသည်။ ​နေ့စဉ် အာမခံထားရှိမှုများအား လက်ခံဆောင်ရွက်ပေးခြင်းနှင့်် နစ်နာကြေး/ လျော်ကြေး ပေး​ချေခြင်းများကိုလည်း ပြုလုပ်ပေးလျက်ရှိပါသည်။

အာမခံအမျိုးအစားပေါင်း (၄၀) မျိုးအနက်မှ ၁.၁၀.၂၀၁၈ မှ ၅.၄.၂၀၁၉ ထိ အလုံးစုံ​မော်​တော်ယာဉ်အာမခံထားရှိသော မော်တော်ယာဉ်များအနက်မှ ကြီးမားစွာထိခိုက်ပျက်စီးမှုဖြစ်ပွား သည့်် ယာဉ် (၃) စီးအတွက် ​လျော်ကြေးငွေ ကျပ် ၃၁၅.၉၃ သန်း နှင့် ကုန်းလမ်းကုန်ပစ္စည်း အာမခံ (၁)​ ​စောင်အတွက် လျော်​ကြေးငွေ ကျပ် ၁၀.၂၉ သန်း၊ စုစုပေါင်း လျော်​ကြေး​ငွေ ကျပ် ၃၂၆.၂၂ သန်းအား အာမခံထားရှိသူများသို့ ပေးအပ်သည့်အခမ်းအနားကို မြန်မာ့အာမခံ လုပ်ငန်း (ရုံးချုပ်) ၌ ၉.၄.၂၀၁၉ ရက်နေ့ မွန်းလွဲ ၁၃:၀၀ နာရီတွင် ကျင်းပပြုလုပ်ခဲ့ရာ  ဦး​ဆောင်ညွှန်ကြားရေးမှူး ဒေါက်တာစန္ဒာဦးမှ အမှာစကားပြောကြားပြီး လျော်ကြေး​ငွေများ ​ပေးအပ်ခဲ့ပါသည်။

မြန်မာ့အာမခံလုပ်ငန်းမှ လက်ခံဆောင်ရွက်ပေးလျက်ရှိ​သော အာမခံလုပ်ငန်းအမျိုးအစားများကို ပြည်သူများစိတ်ချမ်းသာမှုရှိစေရန်အတွက် တိကျမှန်ကန်မြန်ဆန်စွာဖြင့် (၂၄) နာရီ  ဝန်​ဆောင်မှု ပေးလျက်ရှိပါသည်။