မြန်မာ့အာမခံလုပ်ငန်း၊ တာချီလိတ်ခရိုင်ရုံး၏ အာမခံအကြောင်းသိကောင်းစရာ ဆွေးနွေး ဟောပြောပွဲအစီအစဉ်ကို (၂၂-၂-၂၀၁၉) ရက်နေ့ ညနေ (၃:၀၀)နာရီအချိန်တွင် တာချီလိတ်မြို့၊ မကာဟိုခမ်းရပ်ကွက်၊ ရွှေတိဂုံဘုရားလမ်းရှိ ခရိုင်ပြန်/ဆက်ရုံးတွင် ကျင်းပပြုလုပ်ခဲ့ရာ ဟိုတယ်နှင့်ခရီးသွားလာရေး ညွှန်ကြားမှုဦးစီးဌာနမှ လက်ထောက်ညွှန်ကြားရေးမှူး နှင့် ဟိုတယ်လုပ်ငန်းရှင် (၄၀)ဦးတို့အား ဖိတ်ကြားခဲ့ရာ စုစုပေါင်း (၄၅)ဦး တက်ရောက်ခဲ့ကြ ပါသည်။

အဆိုပါဟောပြောပွဲတွင်  ခရိုင်တာဝန်ခံမှ မီးနှင့်အမျိုးမျိုးအာမခံလုပ်ငန်း နှင့် အလုံးစုံမော်တော် ယာဉ်အာမခံအကြောင်း သိကောင်းစရာများကိုရှင်းလင်းခဲ့ပြီး ဒေသနှင့်ကိုက်ညီမည့် မီးအာမခံ လုပ်ငန်း၊ အာမခံထားရှိရာတွင် ဆောင်ရွက်ရမည့်အခြေအနေ အလုံးစုံမော်တော်ယာဉ်အာမခံ ထားရှိရာတွင် ရရှိနိုင်သောအကျိုးကျေးဇူးများကို အကျယ်တဝင့်ရှင်းလင်း တင်ပြခဲ့ပါသည်။