မြန်မာ့အာမခံလုပ်ငန်း၊ တာချီလိတ်ခရိုင်ရုံး၏ အာမခံအကြောင်းသိကောင်းစရာ ဆွေးနွေး ဟောပြောပွဲအစီအစဉ်ကို (၂၀-၂-၂၀၁၉) ရက်နေ့ နေ့လည် (၁:၀၀)နာရီအချိန်တွင် တာချီလိတ်မြို့၊ မကာဟိုခမ်းရပ်ကွက်၊ ရွှေတိဂုံဘုရားလမ်းရှိ ခရိုင်ပြန်/ဆက်ရုံးတွင် ကျင်းပ ပြုလုပ်ခဲ့ရာ ဟိုတယ်နှင့်ခရီးသွားလာရေး ညွှန်ကြားမှုဦးစီးဌာနမှ လက်ထောက် ညွှန်ကြားရေးမှူး၊ လုပ်ငန်းလိုင်စင်နှင့်သယ်ယူပို့ဆောင်ရေး ကြီးကြပ်ညှိနှိုင်းမှုဦးစီးဌာနမှ ခရိုင်ဦးစီးမှူးနှင့် ခရီးသွားဝန်ဆောင်မှု ကုမ္ပဏီလုပ်ငန်းရှင် (၁၉)ဦးတို့အားဖိတ်ကြားခဲ့ရာ စုစုပေါင်း (၂၁)ဦး တက်ရောက်ခဲ့ကြပါသည်။

အဆိုပါဟောပြောပွဲတွင်  ခရိုင်တာဝန်ခံမှ ခရီးသွားဝန်ဆောင်မှုကုမ္ပဏီ အစီအစဉ်ဖြင့် ခရီးသွားသော ခရီးသည်များအတွက် ခရီးသွားအာမခံနှင့် ကမ္ဘာလှည့်ခရီးသည်များ အတွက် ခရီးသွားအာမခံလုပ်ငန်းအကြောင်း သိကောင်းစရာများနှင့် ခရီးသွားအာမခံထားရှိရာတွင် ဆောင်ရွက်ရမည့်အခြေအနေ ရရှိနိုင်သော အကျိုးကျေးဇူးများကို အကျယ်တဝင့်ရှင်းလင်းတင် ပြခဲ့ပါသည်။