မြန်မာ့အာမခံလုပ်ငန်း၊ သံတွဲခရိုင်ရုံးမှ (၂၉-၁၀-၂၀၁၈) ရက်နေ့ နေ့လည် (၁:၀၀) နာရီအချိန် တွင် သံတွဲခရိုင်၊ ငပလီမြို့ အထွေထွေအုပ်ချုပ်ရေးဦးစီးဌာနခန်းမတွင် အာမခံလုပ်ငန်း အကြောင်း သိကောင်းစရာဟောပြောဆွေးနွေးပွဲ ကျင်းပြုလုပ်ခဲ့ရာ ဌာနဆိုင်ရာများ၊ မော်တော်ယာဉ်ပိုင်ရှင်များ၊ ငါးဖမ်းစက်လှေပိုင်ရှင်များ၊ အသေးစားအလတ်စားလုပ်ငန်းရှင် များ၊ ရပ်ကွက်အုပ်ချုပ်ရေးမှူးများနှင့် ရပ်မိရပ်ဖများ တက်ရောက်သူ (၅၀) ဦး တက်ရောက်ခဲ့ ပါသည်။

အဆိုပါအခမ်းအနားတွင် သံတွဲခရိုင်ရုံး တာဝန်ခံမှ မြန်မာ့အာမခံလုပ်ငန်းတွင် လက်ရှိ ဆောင်ရွက်လျက်ရှိသော အာမခံအမျိုးအစားများထဲမှ အလုံးစုံမော်တော်ယာဉ်အာမခံ၊ မီးအာမခံ၊ ရေယာဉ်ပိုင်ရှင်တာဝန်ရှိမှုအာမခံနှင့် ငွေပင်ငွေရင်းအာမခံအကြောင်းတို့ကို ဆွေးနွေးဟောပြော ခဲ့ပါကြောင်းနှင့် တက်ရောက်လာသူများမှ သိရှိလိုသည်များကို မေးမြန်းခဲ့ရာ ပြန်လည်ရှင်းလင်း ဆွေးနွေးဖြေကြားခဲ့ပါသည်။