အာမခံလုပ်ငန်းအသိပညာ ပြန့်ပွားရေးဟောပြောပွဲ

မြန်မာ့အာမခံလုပ်ငန်း၊ ရှမ်းပြည်နယ်ရုံးတာဝန်ခံမှ အာမခံလုပ်ငန်းအသိပညာပေးဟောပြောပွဲကို (၂၅-၁၀-၂၀၂၀) ရက်နေ့ နံနက် (၁၀:၀၀) နာရီတွင် ရှမ်းပြည်နယ်(တောင်ပိုင်း)၊ ရွှေညောင်မြို့၊ တောင်လေးလုံး အမှတ်(၄)၊ ရဲလေ့ကျင့်ရေးသင်တန်းကျောင်းတွင် ပြုလုပ်ခဲ့ရာ သင်တန်းကျောင်းမှ အရာထမ်းနှင့် သင်တန်းသားအင်အား (၁၅၀)ဦးခန့် တက်ရောက်ခဲ့ပါသည်။

ဟောပြောပွဲတွင် တာဝန်ခံက မြန်မာ့အာမခံလုပ်ငန်းမှ နိုင်ငံဝန်ထမ်းအသက်အာမခံ (ကာလတို)၊ တောင်သူလယ်သမားအသက်အာမခံ၊ Covid-19 (အပိုဆောင်း) ကျန်းမာရေးအာမခံ၊ နှစ်တိုငွေပင်ငွေရင်းအသက်အာမခံ၊ သူတစ်ပါးထိခိုမှုအာမခံလုပ်ငန်း၊ မီးအာမခံလုပ်ငန်း၊ ခရီးသွားအာမခံလုပ်ငန်းများနှင့်ပတ်သက်၍ ရှင်းလင်းပြောကြားခဲ့ပြီး တက်ရောက်သူများက သိရှိလိုသည့်အချက်အလက်များကို ပြန်လည်ရှင်းလင်းပြောကြားခဲ့ပါသည်။