မြန်မာ့အာမခံလုပ်ငန်း၊ ဟင်္သာတခရိုင်ရုံးတာဝန်ခံမှ အာမခံအကြောင်း သိကောင်းစရာစည်းရုံး ဟောပြောပွဲကို (၂၅-၈-၂၀၁၉) ရက်နေ့ နံနက် (၉:၀၀) နာရီအချိန်တွင် မြန်အောင်မြို့နယ်၊ သပြေကုန်းကျေးရွာ၊ ပြည်လုံးချမ်းသာဘုရားကြီးအတွင်း ကျင်းပပြုလုပ်ခဲ့ရာ မြန်အောင် မြို့နယ် (မ-စ-က)ဥက္ကဌနှင့်အဖွဲ့ဝင်များ၊ မော်တော်ယာဉ်/မော်​တော်ဆိုင်ကယ် ပိုင်ရှင်များ၊ ယာဉ်မောင်းလိုင်စင်သင်တန်း တက်ရောက်သူများ စုစုပေါင်းအင်အား (၂၀၀) ဦးခန့် တက်ရောက်ခဲ့ပါသည်။

အခမ်းအနားတွင် ခရိုင်တာဝန်ခံမှ အသက်အာမခံ၊ သူတစ်ပါးထိခိုက်မှုအာမခံ၊ မီးအာမခံ၊ ရေကြောင်းကုန်ပစ္စည်းအာမခံနှင့် ခရီးသွားအာမခံလုပ်ငန်းများအကြောင်း ​ဟော​ပြောခဲ့ပြီး အာမခံထားခြင်းဖြင့်ရရှိနိုင်မည့် အကာအကွယ်များအကြောင်းကို ​ဆွေးနွေး​ဟောပြောခဲ့ပါသည်။