အငြိမ်းစားနိုင်ငံ့ဝန်ထမ်းများအနေဖြင့် ပင်စင်လစာများကို Mobile Payment များအသုံးပြု၍ လွယ်ကူ သက်သာစွာ ထုတ်ယူနိုင်ပြီး ဘဏ်ခွဲ ၂၈၁ ခု တွင် Myanmar Mobile Money ဖြင့်လည်း ထုတ်ယူ နိုင်ပြီဖြစ်သည်။ ထိုပြင် မြန်မာ့စီးပွားရေးဘဏ်တွင် ငွေစာရင်းဖွင့်ကာ ယင်းငွေစာရင်းထဲသို့ ပင်စင်လစာထည့်သွင်းပေးသည့်အတွက် ဘဏ်ဖွင့်ချိန်တိုင်းထုတ်ယူနိုင်သကဲ့သို့ ATM ကတ်ဖြင့်လည်း နီးစပ်ရာမြန်မာ့စီးပွားရေးဘဏ်၏ ATM စက်များတွင်လည်းထုတ်ယူနိုင်မည်ဖြစ်သည်။ အငြိမ်းစား နိုင်ငံ့ဝန်ထမ်းများအနေဖြင့် ပင်စင်လစာများကို မိမိနေထိုင်ရာမြို့နှင့် နီးစပ်ရာ မြန်မာ့စီးပွားရေးဘဏ်ခွဲ များတွင်လည်းထုတ်ယူနိုင်ရန်အတွက် ဘဏ်ပြောင်းလျှောက်ထားခြင်းကိုလည်း ခွင့်ပြုပေးလျက် ရှိပါသည်။