နေပြည်တော် ဇန်နဝါရီ ၈

   နေပြည်တော်၊ ရုံးအမှတ် ၄၆၊ ပြည်တွင်းအခွန်များဦးစီးဌာန၊ သတင်းအချက်အလက်နှင့်နည်းပညာဌာနခွဲတွင် ၈-၁-၂၀၁၉ ရက်နေ့ နံနက် ၁၀:၃၀ နာရီ၌ Integrated Tax Administration System (ITAS) စနစ် အကောင်အထည်ဖော်ဆောင်ရွက်ရာတွင် ပြင်ဆင်ဆောင်ရွက်ရမည့် ကိစ္စရပ်များ၊ ITAS စနစ်တွင် ပါဝင်သည့်လုပ်ဆောင်ချက်များနှင့်ပတ်သက်၍ ITAS Advisor Mr. Andre Schoonbee မှ ရှင်းလင်းတင်ပြခဲ့ရာ ပြည်တွင်းအခွန်များဦးစီးဌာန၊ ဒုတိယညွှန်ကြားရေးမှူးချုပ်(အခွန်ဆိုင်ရာပြုပြင်ပြောင်းလဲရေး) ဒေါ်မြမြဦး၊ သတင်းအချက်အလက်နှင့်နည်းပညာဌာနခွဲ ညွှန်ကြားရေးမှူး ဦးတင်မောင်သန့်၊ အခွန်ဆိုင်ရာပြုပြင်ပြောင်းလဲရေးဌာနခွဲ ဒုတိယညွှန်ကြားရေးမှူး ဒေါ်အေးအေးကြူနှင့် သတင်းအချက်အလက်နှင့်နည်းပညာဌာနခွဲမှ တာဝန်ရှိသူများ တက်ရောက်ခဲ့ကြကြောင်း သိရှိရပါသည်။