_0.png)
နေပြည်တော် ဇူလိုင် ၁၇
ပြည်တွင်းအခွန်များဦးစီးဌာနအနေဖြင့် ၂၀၁၈-၂၀၁၉ ဘဏ္ဍာနှစ် ဇွန်လကုန်အထိ အခွန်အရပ်ရပ်ကောက်ခံရရှိမှု စုစုပေါင်းမှာ ကျပ် ၄၈၅၃.၉၅၀ ဘီလီယံ ဖြစ်သဖြင့် လျာထားချက်၏ ၇၇.၈၁%ကို အကောင်အထည်ဖော်နိုင်ခဲ့ပြီးဖြစ်ပါသည်။ အဆိုပါ ကောက်ခံရရှိမှုတွင် နိုင်ငံပိုင်ကဏ္ဍမှ ကျပ် ၉၇၀.၇၃၉ ဘီလီယံ၊ သမဝါယမကဏ္ဍမှ ကျပ် ၁.၄၈၆ ဘီလီယံနှင့် ပုဂ္ဂလိကကဏ္ဍမှ ကျပ် ၃၈၈၁.၇၂၅ ဘီလီယံ ပါဝင်ကြောင်း သိရှိရပါသည်။
၂၀၁၈-၂၀၁၉ ဘဏ္ဍာနှစ် မေလကုန်အထိ အခွန်တစ်မျိုးခြင်းကောက်ခံရရှိမှုအခြေအနေမှာ ဝင်ငွေခွန် ကျပ် ၂၀၃၃.၉၄၈ ဘီလီယံ၊ ကုန်သွယ်လုပ်ငန်းခွန် ကျပ် ၁၅၉၃.၇၀၁ ဘီလီယံ၊ အထူးကုန်စည်ခွန် ကျပ် ၁၀၇၈.၆၄၅ ဘီလီယံ၊ တံဆိပ်ခေါင်းခွန် ကျပ် ၄၂.၁၉၁ ဘီလီယံနှင့် အောင်ဘာလေသိန်းဆုခွန် ကျပ် ၁၀၅.၄၆၅ ဘီလီယံတို့ဖြစ်ကြောင်း သိရှိရပါသည်။