နေပြည်တော် ဇွန် ၂၄

       ပြည်တွင်းအခွန်များဦးစီးဌာန၊ နည်းပညာလေ့လာသုံးသပ်ရေးကော်မတီ (Technical Review Committee TRC) ၏ (၆) ကြိမ်မြောက် လုပ်ငန်းညှိနှိုင်းအစည်းအဝေးကို နေပြည်တော်၊ ရုံးအမှတ် ၄၆ ရှိ ပြည်တွင်းအခွန်များဦးစီးဌာန အစည်းအဝေးခန်းမတွင် ၂၄-၆-၂၀၁၉ ရက်နေ့ နံနက် ၁၀:၀၀ နာရီ၌ ကျင်းပပြုလုပ်ခဲ့ရာ ပြည်တွင်းအခွန်များဦးစီးဌာန၊ ညွှန်ကြားရေးမှူးချုပ် ဦးမင်းထွဋ်က သဘာပတိအဖြစ် ဆောင်ရွက်ခဲ့ပါသည်။

   အဆိုပါ အစည်းအဝေးသို့ နည်းပညာလေ့လာသုံးသပ်ရေးကော်မတီ အဖွဲ့ဝင်များဖြစ်ကြသော ပြည်တွင်းအခွန်များဦးစီးဌာန ညွှန်ကြားရေးမှူးချုပ်နှင့် ဒုတိယညွှန်ကြားရေးမှူးချုပ်များ၊ LTO Audit Expert၊ MTO-1 Audit Expert ၊ MTO-1 Audit Advisor (JICA)၊ EU Legal Advisor တို့ အပါအဝင် အဖွဲ့ဝင် (၁၅) ဦး တက်ရောက်ခဲ့ကြပြီး အခွန်စည်းကြပ်မှုဆိုင်ရာ ကိစ္စရပ်(၃)ခုကို   ဆွေးနွေးခဲ့ကြပါသည်။