လယ်ယာကဏ္ဍဘက်စုံဖွံ့ဖြိုးတိုးတက်ရေးစီမံကိန်းအတွက် Agence Francaise Development (AFD) မှ ပေးအပ်သည့် ချေးငွေအား ရယူရန်အတွက် လက်မှတ်ရေးထိုးပွဲအခမ်းအနား

စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာနမှ အကောင်အထည်ဖော်ဆောင်ရွက်မည့် လယ်ယာကဏ္ဍဘက်စုံဖွံ့ဖြိုးတိုးတက်ရေးစီမံကိန်း (Irrigated Agriculture Inclusive Development Project ) အတွက် Agence Francaise Development (AFD) မှ ပေးအပ်သည့်  ချေးငွေ ယူရို ၂၅   သန်း အားရယူရန်အတွက် လက်မှတ်ရေးထိုးပွဲအခမ်းအနားကို နေပြည်တော်ရှိ ရုံးအမှတ် (၁၅)၊ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၌  ၂၀၁၇ ခုနှစ်၊  စက်တင်ဘာလ (၂၅) ရက်နေ့၊ နံနက် (၁၀:၀၀) အချိန်တွင် ကျင်းပပြုလုပ်ခဲ့ပါသည်။

အဆိုပါချေးငွေ၏ အတိုးနှုန်းမှာ EURIBOR-40 bps (တစ်နှစ်လျှင်) ဖြစ်ပြီး နောက်ကျ အတိုးနှုန်းအဖြစ် မူလအတိုးနှုန်း+၂%၊ ဆိုင်းငံ့ကာလ (၈) နှစ်နှင့် ပြန်ဆပ်ကာလ (၁၂) နှစ်၊ စုစုပေါင်းချေးငွေ သက်တမ်း (၂၀) နှစ် ဖြစ်ပါသည်။ ယင်းချေးငွေရယူရန် ချေးငွေစာချုပ်ကို  ရုံးအမှတ် (၁၅)၊ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာနတွင် Agence Francaise Development (AFD) ကိုယ်စား Mr. Ghislain RIEB, Head of Myanmar Office, AFD Yangon နှင့် မြန်မာနိုင်ငံအစိုးရ ကိုယ်စား စီမံကိန်းနှင့်ဘဏ္ဍာရေးဝန်ကြီးဌာန၊ ငွေတိုက်ဦးစီးဌာန ညွှန်ကြားရေးမှူးချုပ်  ဒေါ်နွဲ့နွဲ့ဝင်းတို့က လက်မှတ်ရေးထိုးခဲ့ကြပါသည်။

အဆိုပါအခမ်းအနားသို့ မြန်မာနိုင်ငံအစိုးရကိုယ်စား စိုက်ပျိုးရေး၊မွေးမြူရေးနှင့် ဆည်မြောင်း ဝန်ကြီးဌာနမှ တာဝန်ရှိပုဂ္ဂိုလ်များ၊ စီမံကိန်းနှင့်ဘဏ္ဍာရေးဝန်ကြီးဌာနမှ တာဝန်ရှိပုဂ္ဂိုလ်များ၊ မြန်မာနိုင်ငံ ဆိုင်ရာပြင်သစ်သံအမတ်ကြီး Mr.Olivier Richard နှင့် Agence Francaise Development (AFD)  ကိုယ်စား Mr. Ghislain RIEB, Head of Myanmar Office, AFD Yangon ဦးဆောင်သော တာဝန်ရှိပုဂ္ဂိုလ်များ တက်ရောက်ခဲ့ပါသည်။