နေပြည်တော်၊ ဇန်နဝါရီ ၁၇

အင်ဒိုနီးရှားနိုင်ငံ၊ ဘဏ္ဍာရေးဝန်ကြီးဌာနမှ ကြီးမှူး၍ ASEAN Treasury Forum (ATF) တည်ထောင်ရေးအတွက် ရေးဆွဲထားသည့် Terms of Reference (ToR) မူကြမ်းအား အတည်ပြုရေးနှင့် စပ်လျဉ်းသည့် Intersessional Meeting ကို ၁၇−၁−၂၀၂၄ ရက်တွင် အင်ဒိုနီးရှားနိုင်ငံ စံတော်ချိန် နံနက် ၉:၀၀ နာရီမှ ၁၀:၃၀ နာရီအထိ (မြန်မာစံတော်ချိန် နံနက် ၈:၃၀ နာရီမှ ၁၀:၀၀ နာရီအထိ) Virtual Meeting ဖြင့် ကျင်းပခဲ့ရာ ၎င်းအစည်းအဝေးသို့ အာဆီယံအတွင်းရေးမှူးချုပ်ရုံးနှင့် အာဆီယံအဖွဲ့ဝင် (၁၀) နိုင်ငံတို့မှ ကိုယ်စားလှယ် (၄၈) ဦး တက်ရောက်ခဲ့ကြပါသည်။ မြန်မာနိုင်ငံမှ ငွေတိုက်ဦးစီးဌာနမှ ညွှန်ကြားရေးမှူးချုပ် ဒေါ်စီစီပြုံးနှင့် ညွှန်ကြားရေးမှူး ဒေါ်နီနီသန်း တို့ တက်ရောက်ခဲ့ပါသည်။

ASEAN Treasury Forum တည်ထောင်ရခြင်း၏ ရည်ရွယ်ချက်မှာ Treasury and Public Financial Management နယ်ပယ်များတွင် အာဆီယံအဖွဲ့ဝင်နိုင်ငံများအကြား အသိပညာဗဟုသုတများဖလှယ်၍ အခက်အခဲများကို အတူတကွ ပူးပေါင်းဖြေရှင်းနိုင်ရန်ဖြစ်ပါသည်။

အစည်းအဝေးတွင် Online ဖြင့် တက်ရောက်ကြသည့် အဖွဲ့ဝင်နိုင်ငံများမှ ကိုယ်စားလှယ်များက ToR အား အတည်ပြုနိုင်ရေးနှင့် ATF တွင် Chairmanship အဖြစ် တာဝန်ယူဆောင်ရွက်ရေးဆိုင်ရာကိစ္စရပ်များ၊ Working Group ဖွဲ့စည်းရေးဆိုင်ရာကိစ္စရပ်များ၊ ရှေ့ဆက်လက်ကျင်းပမည့် ASEAN Treasury Forum အစည်းအဝေးဆိုင်ရာကိစ္စရပ်များစသည်တို့ကို ဆွေးနွေးခဲ့ကြပါသည်။

အစည်းအဝေးအား နံနက် ၁၀:၀၀ နာရီတွင် ရုပ်သိမ်းခဲ့ပါသည်။