နိုင်ငံပိုင်ကဏ္ဍအတွက် နိုင်ငံတကာစာရင်းစံများ၊ ငွေသားအခြေခံအပိုင်း (၁) ဆင့်ပွားသင်တန်း အမှတ်စဉ်(၁) သင်တန်းဖွင့်ပွဲ အခမ်းအနား ကျင်းပ

နေပြည်တော် ၊ နိုဝင်ဘာ ၁၄

နိုင်ငံပိုင်ကဏ္ဍအတွက် နိုင်ငံတကာစာရင်းစံများ ငွေသားအခြေခံအပိုင်း (၁) (International Public Sector Accounting Standards – IPSAS, Part 1 of Cash - Basis )ဆင့်ပွားသင်တန်း အမှတ်စဉ် (၁) သင်တန်းဖွင့်ပွဲအခမ်းအနားကို ယနေ့ နေ့လယ် ၁:၃၀ တွင် နေပြည်တော်ရှိ စီမံကိန်းနှင့်ဘဏ္ဍာရေးဝန်ကြီးဌာန၊ စုပေါင်းခန်းမ၌ ကျင်းပသည်။

အခမ်းအနားတွင် ငွေတိုက်ဉီးစီးဌာန၊ ညွန်ကြားရေးမှူးချုပ်က ပြည်သူ့ဘဏ္ဍာရေးစီမံခန့်ခွဲမှု ခေတ်မီဖွံ့ဖြိုးတိုးတက်ရေးစီမံကိန်းကို ၂၀၁၄ ခုနှစ်၊ အောက်တိုဘာလမှ စတင်ခဲ့ပြီး အစိုးရဌာန၊ အဖွဲ့ အစည်းများအနေဖြင့် စွမ်းဆောင်ရည်ပြည့်ဝပြီး တာဝန်ယူမှု တာဝန်ခံမှုနှင့် စွမ်းရည်ပြည့်ဝသည့် ပြည်သူ့ဘဏ္ဍာရေးစီမံခန့်ခွဲမှုလုပ်ငန်းများကို ဖော်ဆောင်နိုင်ရန်ဖြစ်ကြောင်း၊ ပြည်သူ့ဘဏ္ဍာရေး စီမံခန့်ခွဲမှုစနစ်ကို ပြောင်းလဲကျင့်သုံးရာ၌ အစိုးရဌာန၊ အဖွဲ့အစည်းများ၏ ဘဏ္ဍာရေးစာရင်းရေးဆွဲ တင်ပြသည့်စနစ်ကို နိုင်ငံတကာတွင် ကျင့်သုံးလျက်ရှိသည့် နိုင်ငံပိုင်ကဏ္ဍအတွက် နိုင်ငံတကာစာရင်းစံများ (International Public Sector Accounting Standards – IPSAS) ကို ပြောင်းလဲကျင့်သုံးနိုင်ရန် စီမံကိန်းနှင့်ဘဏ္ဍာရေးဝန်ကြီးဌာနနှင့် ပြည်ထောင်စုစာရင်းစစ်ချုပ်ရုံးတို့ ပူးပေါင်းဆောင်ရွက်လျက်ရှိကြောင်း၊ IPSAS တွင် Cash Basis နှင့် Accrual Basis ဟူ၍ နှစ်မျိုးရှိပြီး Cash Basis မှ Accrual Basis ကို အဆင့်ဆင့်ကူးပြောင်းရာ၌ ရှေးဦးစွာ Cash Basis မှ Modified Cash Basis သို့ ကူးပြောင်းရမည်ဖြစ်ပြီး Modified Cash Basis မှ Modified Accrual Basis သို့လည်းကောင်း၊ Modified Accrual Basis မှ Fully Accrual Basis သို့ လည်းကောင်း အဆင့်ဆင့်ပြောင်းလဲကြရမည်ဖြစ်သဖြင့် အချိန်ယူဆောင်ရွက်ကြရမှာဖြစ်ကြောင်း၊ မြန်မာနိုင်ငံတွင် ခိုင်မာအားကောင်းသည့် “ပြည်သူ့ဘဏ္ဍာရေးစီမံခန့်ခွဲမှုစနစ်” ဖြစ်ပေါ်လာရေးအတွက် စီမံကိန်းနှင့်ဘဏ္ဍာရေးဝန်ကြီးဌာနနှင့် ပြည်ထောင်စုစာရင်းစစ်ချုပ်ရုံးတို့ ပူးပေါင်း၍ဖွင့်လှစ်ခဲ့သည့် နိုင်ငံပိုင်ကဏ္ဍအတွက် နိုင်ငံတကာစာရင်းစံများ ငွေသားအခြေခံအပိုင်း(၁) (International Public Sector Accounting Standards – IPSAS, Part 1 of Cash - Basis) သင်တန်းကို ငွေတိုက်ဦးစီးဌာနနှင့် ရသုံးမှန်းခြေငွေစာရင်းဦးစီးဌာနတို့မှ အရာထမ်း၊ အမှုထမ်း(၅၀) ဦးစီဖြင့် စုစုပေါင်း သင်တန်းသား/သူ (၁၀၀)ဦး တို့အား Training for Trainer အဖြစ် ပြည်ထောင်စုစာရင်းစစ်ချုပ်ရုံးမှ သင်တန်းကထိက (၃)ဦးမှ ၆-၆-၂၀၂၂ ရက်နေ့မှ  ၅-၉-၂၀၂၂ ရက်နေ့အထိ ရက်သတ္တ(၁၄)ပတ်ကြာ သင်ကြားပို့ချပေးခဲ့ပြီးကြောင်း၊ အဆိုပါသင်တန်း သို့တက်ရောက်ခဲ့သည့် အရာထမ်းများက ပြန်လည်၍ ဆင့်ပွားသင်တန်းတွင် ပို့ချပေးသွားမည်ဖြစ်ကြောင်း၊ ယခုသင်တန်းတက်ရောက်ကြမည့် သင်တန်းသား/သင်တန်းသူများအနေဖြင့် ပို့ချသော ဘာသာရပ်များအား ကြိုးစားလေ့လာသင်ယူကြပါရန်နှင့် သိရှိလိုသည်များအား မေးမြန်းဆွေးနွေေးပေးကြရန် တိုက်တွန်းမှာကြားပါကြောင်း ပြောကြားခဲ့ပါသည်။

သင်တန်းဖွင့်ပွဲအခမ်းအနားသို့  ငွေတိုက်ဉီးစီးဌာနမှ ညွှန်ကြားရေးမှူးချုပ်၊ ဒုတိယညွှန်ကြားရေးမှူးချုပ်များ၊ ညွန်ကြားရေးမှူးများ၊ ဒုတိယညွှန်ကြားရေးမှူးများ၊ သင်တန်းဆရာမများနှင့် သင်တန်းသား/သင်တန်းသူ (၄၀)ဦး တက်ရောက်ကြသည်။ ဆင့်ပွားသင်တန်း အမှတ်စဉ်(၁)ကို ၂၀၂၂ ခုနှစ်၊ နိုဝင်ဘာလ ၁၄ ရက်နေ့မှ ဒီဇင်ဘာလ ၃၀ ရက်နေ့အထိ သင်တန်းကာလ ရက်သတ္တ (၇) ပတ် ကြာမြင့်မည်ဖြစ်ပါသည်။