စီမံကိန်းနှင့်ဘဏ္ဍာရေးဝန်ကြီးဌာနသည် ကမ္ဘာ့ဘဏ် PEFA မစ်ရှင်အဖွဲ့ မှ ကျွမ်းကျင်ပညာရှင် များနှင့် ပူးပေါင်း၍ ဒုတိယအကြိမ် အစိုးရအသုံးစရိတ်နှင့် ဘဏ္ဍာရေး တာဝန်ယူမှုဆိုင်ရာ အကဲဖြတ် သုံးသပ်မှုကို အကောင်အထည်ဖော်ဆောင်ရွက်နိုင်ရန် အတွက် PEFA Assessment Launch အခမ်းအနားကို ၂၀၁၉ ခုနှစ်၊ မတ်လ ၁၃ ရက်နေ့တွင် Hilton Hotel ၊ နေပြည်တော်၌ ကျင်းပခဲ့ရာ စီမံကိန်းနှင့်ဘဏ္ဍာရေးဝန်ကြီးဌာန၊ ပြည်ထောင်စုဝန်ကြီး ဦးစိုးဝင်း တက်ရောက် အဖွင့်အမှာစကား ပြောကြားခဲ့ပါသည်။ အဆိုပါ အခမ်းအနားသို့ စီမံကိန်းနှင့်ဘဏ္ဍာရေးဝန်ကြီးဌာန၊ ဒုတိယဝန်ကြီး ဦးမောင်မောင်ဝင်း၊ ပြည်ထောင်စုစာရင်းစစ်ချုပ် ဦးမော်သန်း ၊ အစိုးရအသုံးစရိတ်နှင့် ဘဏ္ဍာရေး တာဝန်ယူမှုဆိုင်ရာ ဦးဆောင်ကော်မတီ အဖွဲ့ဝင်များ၊ အစိုးရအသုံးစရိတ်နှင့် ဘဏ္ဍာရေး တာဝန်ယူ မှုဆိုင်ရာ နည်းပညာကော်မတီ အဖွဲ့ဝင်များနှင့် ဖွံ့ဖြိုးမှုမိတ်ဖက်အဖွဲ့အစည်းများဖြစ်သည့်  UK DFID ၊ Australia DFAT၊ European Union ၊ Italian Agency for Development Cooperation နှင့် Denmark တို့မှ ဖိတ်ကြားထားသူများ တက်ရောက်ခဲ့ကြပါသည်။