ရသုံးမှန်းခြေငွေစာရင်းဦးစီးဌာနနှင့် ကမ္ဘာ့ဘဏ်မှ Mr.Arvind နှင့် Mr. Thanapat တို့ ပူးပေါင်း၍ ၄-၉-၂၀၁၈ ရက်နေ့မှ ၆-၉-၂၀၁၈ ရက်နေ့အထိ ရုံးအမှတ် (၂၆)၊ ရသုံးမှန်းခြေငွေစာရင်း ဦးစီးဌာန၊ အစည်းအဝေးခန်းမ၌ Budget Analysis Mission ကို ကျင်းပပြုလုပ်ခဲ့ပါသည်။

          မစ်ရှင်ကျင်းပရသည့် ရည်ရွယ်ချက်မှာ ယခင်က Budget Analysis ပြုလုပ်ထားပြီးဖြစ် သည့် အသုံးစရိတ်များပြားသော Pilot Ministries (၁၀) ခုအပြင် အခြားသော ဝန်ကြီးဌာန (၁၃) ခု ကိုလည်း ဘတ်ဂျက်စိစစ်သုံးသပ်မှုများ ပြုလုပ်နိုင်ရန်အတွက် ရသုံးမှန်းခြေငွေစာရင်းဦးစီးဌာနရှိ ဘတ်ဂျက်တာဝန်ခံဝန်ထမ်းများအား database နှင့် data validation ပြုလုပ်ပုံများ၊ pivot table တည်ဆောက်ပုံများ၊ analysis ပြုလုပ်ပုံများ စသည်တို့ကို ရှင်းလင်းသင်ကြားနိုင်ရန် Social    Sector Ministries များဖြစ်ကြသည့် ပညာရေးဝန်ကြီးဌာန၊ ကျန်းမာရေးနှင့် အားကစားဝန်ကြီးဌာန၊ လူမှုဝန် ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာနများ၏ ၂၀၁၇-၂၀၁၈ ခု၊ ယာယီအမှန် ကိန်းဂဏန်းများအား analysis ပြုလုပ်၍ တွေ့ရှိချက်များကို ဆွေးနွေးသုံးသပ်ရန်နှင့် ရှေ့ဆက်ဆောင် ရွက်သွားမည့် လုပ်ငန်းစဉ်များအား ဆွေးနွေးရန်တို့ဖြစ်ပါသည်။

          မစ်ရှင်ကာလအတွင်းတွင် ကမ္ဘာ့ဘဏ်မှ Mr.Arvind နှင့် Mr.Thanapat တို့မှ ရသုံးမှန်းခြေ ငွေစာရင်းဦးစီးဌာနရှိ ဘတ်ဂျက်ဌာနခွဲများမှ ဘတ်ဂျက်တာဝန်ခံ ဝန်ထမ်းများနှင့် တွေ့ဆုံ၍ budget analysis  ပြုလုပ်ပုံများကို သင်ကြားပေးခဲ့ပြီး ၆-၉-၂၀၁၈ ရက်နေ့တွင် ဒုတိယညွှန်ကြားရေးမှူးချုပ် ဒေါ်ရီရီမြင့် ဦးဆောင်သောအဖွဲ့နှင့်တွေ့ဆုံကာ ရှေ့ဆက်ဆောင်ရွက်မည့် လုပ်ငန်းစဉ်များနှင့်စပ်လျဉ်း၍ ​ဆွေးနွေးခဲ့ကြပါသည်။